Pemanah enggau Pengelemi Televisyen

Unit: 10 ( KERESA DIRI SEBILIK)

Meretikas teks

Asil pelajar: 1) Macha teks enggau betul

                     2) Nyaut tanya enggau betul



              Ulih ke enda kitai idup enti nadai televisyen?Bisi nya nyaut enda ulih. Saut ke baka tu nunjukka televisyen tu beguna bendar kemaya hari tu. Sekeda mega bisi ngumbai televisyen semina siti ari kereban ti dikena merindang diri lalu enda lebih ari nya. Bisi mega, rambau bujang dara sereta nembiak mit meri penemu ti chukup nyemetak iya nya nadai televisyen nadai guna idup.

              Enti nitihka ubah pemansang kediatu enggau dulu suba, televisyen ngembuan empas ti besai. Ari mayuh macham program ti bisi dibantaika, televisyen ulih nyadi kereban dikena belajar. Chunto iya, program Tutor TV ulih nyadika malin nembiak sekula ari sekula primari nyentukka sekula sekondari. Nitihka pansik ti dipelajai ba menua orang putih, rayat iya ulih begulai sereta begempuru enggau diri sebilik lebuh sama-sama meda televisyen. Tambah mega, cherita ba televisyen ti dipeda iya nya drama ruang bilik, animasi enggau sitkom. Isi cherita nya tadi mayuh ngayanka cherita ti bendar. Orang ti meda cherita nya ulih ngambi ajar sereta teladan ti manah.

       Taja pia, televisyen tu mega mai empas ti enda manah. Lebuh beratika pekara tu, orang mayuh enda irau pasal empas ti enda manah tu. Mayuh agi pemanah enggau penguntung televisyen ti nyulut agi ari pengurang. Ba pekara tu, pun iya endang ari apai indai. Laban pia, sida ti meratika sereta ulih betagangka program ti deka dipeda anak diri. Apai indai tu baka orang ti ngemudi perau. Enti salah kemudi, anak ti pedis dudi hari.


1.Nama guna televisyen ti dipeda ari sukut pelajar sekula?

2.Nama reti rambau?

3. Nama kebuah orang rindu bendar meda televisyen?

4. Nama empas ti enda manah ba televisyen tu?

5.Setuju tauka enda nuan pasal nadai televisyen nadai guna idup? Pejuraika penemu nuan nya.

Pengelikun ba sekula

        Latih Karang belalauka Grafik 

      Pom Satu

      Unit 7: Pengelikun ba sekula

        Adar: Peratika enggau manah pelin pengelikun angus ba SMK Tanah Perai di baruh tu. Udah

                  tulis penerang nuan belalauka pelin nya. Pemanjai karang nuan enda tau lebih ari
         
                  80 leka jaku

Meretika Teks Pom Lima

Bacha teks di baruh tu. Udah nya saut semua tanya ngena ayat penuh.

Pengawa ngerapatka kaul ati patut dikemeranka bepun ari sekula agi. Kebuah pia, nembiak ari mayuh pupu raban bansa sama begulai belajar ba siti sekula ti sama. Kelimpah ari nyadi palan ngulihka pelajar, sekula mega nyadi palan ngerapatka kaul ati. Enggau nya, tu mih jalai ti pemadu manah endur ngambuh nembiak nyadi mensia ti beguna. Nembiak tu deka nyadi tuai lalu nganti orang tuai ke diatu. Enti pengawa ngerapatka kaul ati enda dipelajaika ba sekula, dia mayuh penanggul enggau penusah deka nyadi dudi hari.

Siti ari chara ti ulih dikena ngerapatka kaul ati ba sekula iya nya ngatur pengawa gotong-royong. Nembiak ke nyereta pengawa gotong-royong tu begulai sereta bekerejasama enggau pangan diri. Sida tu ulih berandau sereta nemu enggau silik agi pangan diri. Ari tu tadi, peneleba enggau pangan diri nadai ke penanggul. Kaul ati nembiak pan majak manah. Ari nya tadi, nembiak ulih ngelarika diri ari ti dikumbai orang baka pendiau antu bubut.

Kelimpah ari nya, ari pengawa aktiviti kokurikulum mega ulih ngerapatka kaul ati nembiak sekula. Tu endang sekeda ari tuju aktiviti kokurikulum digaga ba sekula. Nembiak ulih begulai enggau nembiak bukai ti enda sama bansa enggau sida. Ambika banding, nembiak begulai bemain badminton. Enggau tu, sida udah ulih nelebaka diri begulai enggau nembiak ari bansa bukai. Tu ngujungka pengerapat kaul ati nembiak tu majak manah. Enti sida tu udah besai ila, dia nadai pulaika penusah tauka penanggul lebuh begulai enggau orang bukai laban udah nemu sereta meretika budaya bansa bukai.

Pengerapat kaul ati ba sekula mega ulih digaga ngena chara ngintu pengerami. Tiap-tiap pengerami bansa baka Taun Baru Cina, Gawai Dayak, Hari Raya Puasa enggau Deepavali patut digaga ba sekula. Tuju pengerami bansa tu diintu ba sekula ngambika nemu sereta mereti pasal pengerami ti diintu nya. Beduduk ari nya, udah tu ila nembiak pan sama ngabang ngagai pangan diri lebuh maya rami. Enggau tu, pengawa ngabang ngagai pangan diri ulih mantu ngerapatka kaul ati.

Kitai mega ulih ngaul bansa bukai enggau rapit agi nengah program anak angkat. Tuju program tu dikenaka ngulihka kaul siti bansa enggau bansa bukai. Ari program ke baka tu, nembiak ti nyereta program anak angkat tu nemu sereta ulih begulai enggau orang bukai ti enda sama bansa. Ngena chara tu mih, pengerapat kaul tu ulih digaga enggau manah. Ambi ke banding, nembiak ari Sabah deka begulai enggau apai indai angkat ti enda sama bansa ari Sarawak. Ari ti begulai enggau apai indai angkat sereta madi angkat, nembiak nya tadi udah nemu budaya enggau chara pengidup orang nya.

Chara bukai kitai ulih ngerapatka kaul ati iya nya nengah kurikulum ti dipelajai ba sekula. Nembiak patut diajar pasal kaul ati tu ba sekula. Enti pengawa tu dipelajaika, nembiak udah diiri pasal kaul ati. Sida pan udah meretika sereta nemu pemesai guna kaul ati tu patut dikemeranka tiap bansa ba menua tu. Perintah kitai ti numbuhka sekula wawasan endang dikena ngerapatka kaul nembiak ti besekula ba SK, SJK(C) enggau SJK(T). Nembiak nelebaka diri begulai enggau nembiak bukai bekenaka perengka ti bisi dia. Enggau tu, sida udah begulai endang bepun ari sekula primari agi. Enti udah besai ila, pengerapat kaul ati tu ukai nyadi ka penanggul ba menua kitai.

Nya mih sekeda chara ti dikena ngerapatka kaul ati ba sekula. Enti semua pekara tu dipelajaika, kitai semua ulih begulai enggau manah. Tiap raban bansa ulih begulai sejalai enggau bansa bukai laban udah diajar pasal ngerapatka kaul ati tu.Pengerapat kaul ati tu mih ke pun pemansang menua kitai. Enti kitai ulih begulai manah enggau bansa bukai, dia menua ti deka meruan likun sereta enda mudah kena serang menua bukai. Menua ti likun ngenyampatka pemansang nuju Wawasan 2020.

1.Nama reti sempama baka pendiau bunsu bubut?



2.Beri reti leka jaku:
i) Ngambuh



ii) diiri




3.Nama penyadi enti chara baka ke disebut di atas enda dipelajaika enggau manah?



4. Rintaika tiga chara ti dipelajaika ba sekula dikena ngerapatka kaul ati?





5.Nama chara ke bukai ti ulih mega dipejalai dikena ngerapatka kaul nembiak sekula kelimpah              ari ti udah dipadahka dalam teks nya tadi?




6.Ba penemu nuan, nama agi batang pekara ti bukai ti ulih ngenyampatka agi pemansang nuju               Wawasan 2020?




7. Bisi sekeda penemu madahka bejadi melaki bini enggau bansa bukai tu chara ti patut dikena              ngerapat siti bansa enggau bansa bukai. Nama empas iya ngagai bansa kitai dudi hari ila?Saraka          penemu nuan. ( 50 leka jaku)

Aram Begiga Entelah

1. Nama iya mindah, mai langkau, 

  nama iya mindah, mai langkau

   Ulu lungga: Pelanda

   Saut           : TEKURA

2. Telaga apai Saloi enda tau ditepan orang

  

   Ulu lungga: Kuta
  Saut            : MATA

3. Bujang kurus bagas majuh, 

   Bujang kerigai bagas makai.

   Ulu lungga: manuk/ Palu
   Saut           : SIDUK/  SUDU

4.  Asi mansau periuk pechah.

   Ulu lungga: lubah lusing
   Saut           : BUAH KEMUNTING

5. Kera lima-lima, nyumbuh tujuh-tujuh enda tegagaika munsang siku.

   

   Ulu lungga: butul udah ilang
   Saut           : TUNGKUL BUAH PISANG

6. Lebuh jauh dipeda baka langkau, Lebuh semak dipeda baka tungau.

   Ulu lungga: Semun
   Saut           : AMBUN

7. Kibung digantung sehari-sehari

   Ulu lungga: Tumbang
   Saut           : RAJANG

8. Pantap berasap, pantap berasap

   Ulu lungga: ubah timau
    Saut          : BUAH LIMAU

9. Burit basah, pala rangkai

  

   Ulu lungga: lela
    Saut          : TANGGA

10. Belanda-landa bisi utai diambi. Rungguk-rungguk bisi utai dianti

   

   Ulu lungga: manang nyara
   Saut           : ORANG BIRA

....betampung baru..

Latih Bahasa Iban Pom Dua

Latih A:Ngaga ayat ngena leka jaku ti diberi di baruh tu:

1. Laban

____________________________________________________________

2. Enggau

____________________________________________________________

3. Tang

___________________________________________________________

4. Lalu

____________________________________________________________

5. Enti

____________________________________________________________

6. Mega

____________________________________________________________

7. Semadi

____________________________________________________________

8. Taja

____________________________________________________________

9. Nyentukka

____________________________________________________________

10. Semadi 

___________________________________________________________

Latih B: Kemetulka ayat di baruh tu.

1. Apai aku ngirup asi guring. 

  Apai aku makai asi guring

2. Sida sebilik benung ninga berita ba televisyen.

3. Uduk nya deras amat belanda ngagai mayau.

4. Pemajik indu dara nya munyi Kumang.

5. Kerita apai Lugan nya nelap agi ari kerita apai Jabung.

6. Pekit Keling ti di atur malam tu dikena milih pemajik sida serumah ti agi bujang.

7. Sida serumah benung begotong-royong ngamahka rumah laban bisi Pengari Rayat deka nemuai.

8. Mayau ti reruik nya bedau diberi makai.

9. Kitai patut nelan ai enda kurang ari lapan gelas sehari.

10. Burung kenyalang ti semacham burung ti majak punas ba menua tu.

Latih C: Tipak sempama enggau reti iya ti betul

No	Sempama		Reti
1	Panjai jari		Enda beserara
2	Baka isi enggau kukut		Mayuh orang dikedeka tauka dikingi ati
3	Mela diri		Makai
4	Gerah mata undang		Richa rami nadai temu kebuah
5	Munyi ke begawai		Natka pengenyang
6	Baka kepayang ngadaka dilah		Kasak-kasak, enda jenuh pendiau
7	Baka sawa ti natka telan		Gamal dipeda lembau tang enti iya ngereja pengaa tembu enggau manah
8	Betubuh bisi		Mayuh orang dikedeka tauka dikingin ati
9	Baka ukui deka beranak		Nelap sereta nadai mayuh jaku
10	Baka mayau enggau ukui		Ngandung
11	Runggu ensing enti terebai apus ga sungai		Agi biak, bedau maya ngemujang tauka ngenaraka diri
12	Agi bau lia		Enda tau begulai, selalu belaya
13	Angat tai manuk		Nyebut aja tang enda ngereja
14	Baka batu tungku		Dipeda mudah tang enda ulih
15	Baka engkudu mayuh mata		Enchuri

Latih D: Garis pengenap tesa ti betul dikena nembuka siti-siti ayat di baruh tu:

1. Endu Lenyan meli tiga (iku, pating )ikan ari pasar.

2. Semiun terus nyerauh sereta luput udah ke disengat indu manyi sepuluh (batang, abi)

3. Ini Muna nerenakka tujuh (leka, buah) rian ti diberi aki Ungkir.

4. Apai Umang mai dua (repik, rawan) jala ke sungai pagi tadi.

5. Lutur nya nitikka tiga ( titik, teguk ) ubat ba telih nembiak nya.

6. Untung siku-siku sida Dom ke ngasu nya semina bulih sepuluh ( kipi, kerat ) aja.

7. Andang ngasuh Gumbang mabut empat ( puchuk, pun) ubi kayu ke diempa sida sebilik.

8. Kami sekelas benung belajarka dua (genturung, genteran) leka main sampi ari pengajar Ginau.

9. Igat enda tetemuka tiga ( mata, luntang) ginti ti baru dibeli ari kedai nya tadi.

10. Dua ( tugung, tusuk) pasir ngemayuh tu baru chukup dikena nyemin ruai sida Lenny.

Latih E: Tusun Urup di baruh tu awakka nipakka reti ti diberi.

1. Indu ke manah gamal = J, B, A, I, K

Saut= B A J I K

2. Sebansa indu utai ti bechura kelabu sereta bebau lalu ngerusak utai tanam baka padi enggau sayur. = E, M, P, N, A, G, U, A

Saut= ____________________________________

3. Orang ke rapat enggau begulai sereta bebakih = B, N, A, A, K

Saut=________________________________________

4. Udah sedia tau diempa = M, N, U, S, A, A

Saut=________________________________________

5. Jari kiba = T, I, W, A, H, C

Saut=________________________________________

6. Enda takut sereta enda siga = N, J, A, K, I

Saut=________________________________

7. Simpan dalam ai = R, N, E, M, A, D

Saut=_____________________________

Latih Karang Pom 4- Belalauka Grafik/Gambar/Penerang

UNIT 1: PENGERAJA ASAL MENUA KITAI (POM 4)

UNIT 2: PEMANSANG MENUA MALAYSIA NUJU 2020 (POM 4)

Peratika enggau manah grafik di baruh tu:

Bakani chara menua Malaysia ngemansangka diri nyadi menua maju. Pejuraika penemu nuan senentang pekara nya.