PERESA PUN TAUN POM 1

Bagi A
[ Taga Jam : 40 minit ]
1. Tulis siti ayat ngena leka jaku di baruh tu. Nuan enda tau meri penambah, nukar penambah sereta ngena leka jaku nya nyadi sempama tauka jaku nama tetap.
               
i. Penempa
________________________________________________________________________________________
________________________________________________________________

ii. Besenentang
________________________________________________________________________________________________________________________________________________________________________________

iii. Memarin
________________________________________________________________________________________________________________________________________________________________________________
   
iv. Ajar
________________________________________________________________________________________________________________________________________________________________________________

v. Ngelengkaka
________________________________________________________________________________________________________________________________________________________________________________
                                                                                                                                                          (10 mark)




2. Ayat di baruh tu bisi ngundan dua iti penyalah. Kemetulka lalu tulis baru ayat dibaruh tu tang anang ngubah tukuh enggau reti asal ayat nya.

i. Nembiak Pom Satu landik ba mata pelajaran Matematik sereta Sejarah.
________________________________________________________________________________________________________________________________________________________________________________

ii. Taun siti nyin kemarik Juan enggau Manggie besekulah ba SK St. Lawrence.
________________________________________________________________________________________________________________________________________________________________________________

iii. Lilian patut muai uras laban endang sigi duai ti ngereja pengawa nya seari tu.
________________________________________________________________________________________________________________________________________________________________________________


iv. Bada meli sebungkus tuchok, sekambut beras, sebatang penyapu enggau tigi iti bateri ba kedai Ah Jin.
________________________________________________________________________________________________________________________________________________________________________________


v. Sebedau nemu pengawa bedagang, suah agi kitai memeri barang ngagai pangan diri enti disemaka barang nya bisi lebih tauka enda alah empa.
________________________________________________________________________________________________________________________________________________________________________________
                                                                                                                                                            ( 10 mark)





3. a) Padahka bagi subjek enggau predikat ba ayat di baruh tu.

i. Kerita sida Juan baru sangkai ba tengah laman rumah.
    ________________________________________________________________

ii. Seduai iya berumban deka meda program pelajar ba televisyen.
________________________________________________________________

iii. Guang bejaku enggau apai iya manah-manah.
_______________________________________________________________

iv. Pengajar Aminah ngajar subjek Sains enggau Matematik ba SMK Ujung Menua.
________________________________________________________________

v. Indai Catherine gawa nyadi doktor ba Sepital Besai Kuching kenyau ari lapann taun ti udah.
________________________________________________________________

vi. Sida ke tuai ti berandau ba ruai bekenangka ampuh bah ti nyadi ba menua dalam kandang sebulan ti udah.
________________________________________________________________
                                                                                                                                                                     (12 mark)
4. Tulis sempama ti engkeman dikena nipak penerang ba baruh tu.

i. Semina nemu mansutka jaku enggau penemu tang enggai kiruh ngereja.
____________________________________________________________

ii. Bejaku anang enda bejimat. Kitai patut nangika diri tesebutka utai ti tau ngasuh ati orang pedis.
____________________________________________________________

iii. Setipak enggau pemajik enggau penyigat.
_____________________________________________________________
                                                                                                               (6 mark)






BAGI B
[ Taga Jam: 20 minit ]
[ 12 mark]

5. Bacha teks leka main di baruh tu. Udah nya saut tanya ti nangkanka nya ngena ayat penuh.

Bukit Sadok ti benama, jelai berita,
Dulu kelia palan Rentap ti tuai bala,
Tang diatu nadai diwan siku mensia,
Laban kitai udah bebaik nitihka Rajah.
       Iban bebagi ngagai sungai mayuh bengkah,
      Adat pengelurus udah diaduka perintah,
      Ngambika diau bebaik enggau pangan diri
      Badu agi ngingatka jalai pemati.
Bukit Sadok jauh bendar,
Kelia pedis ditiki laban jalai mar,
Tang diatu iya semak bendar,
Diansakka jalai raya ngulu Sungai Layar.

(i) Sapa ti nyadi tuai bala ngelaban Rajah? (2 mark)
________________________________________________________________________________________________________________________________
(ii) Terangka reti leka jaku jelai?  (2 mark)
________________________________________________________________________________________________________________________________

(iii) Lapa Bukit Sadok dipadah semak bendar enti dibanding enggau dulu?  (2 mark)
________________________________________________________________________________________________________________________________
(iv) Beri penemu nuan, kebuah kitai mesti bebaik enggau pangan diri?  (3 mark)
________________________________________________________________________________________________________________________________
(v) Cheritaka baru ngena leka jaku nuan empu leka main nya tadi. (3 mark)
________________________________________________________________________________________________________________________________________________________________________________________________________________________________________________________________







Bagi C
[ Taga Jam: 15 minit]
[10 mark]
6. Peratika grafik di baruh tu enggau sililk. Belalauka grafik enggau penerang di baruh tu, tulis pasal pom nyadi raban Kelab Jaku Iban  SMK Bukit Undop.Pemanjai penerang nuan patut entara 50 ngagai 70 leka jaku.

                                          Bagi D: Karang
                                      [ Taga Jam: 45 minit ]
                                            [ 40 mark ]
7. Tulis karang pasal siti ari pekara di baruh tu. Pemanjai karang enda kurang ari 150 leka jaku.

i. Kenang pasal siku ari pangan nuan.

ii. “Hari Keterubah Ba Sekula Sekondari”
Tulis pengawa nuan sepemanjai sehari nya.


iii. Chara Orang Dagang ulih narit ati Pemeli.

Latih Sempama

Latih Sempama

Garis sempama ti betul bepelasarka reti iya

1. Orang ti agi biak

Lia agi bau/ Agi bau lia

2.     betulung ngereja pengawa

Semut angkut / Semut angkut

3. Betusuika jaku orang ke bisi penyarut ngambika penyarut nya nyadi-senyadi

Batu api / Api batu

4. Nadai tealahka pangan

Rutan belah / Belah rutan

5. Bepentika bini ngandung

Bengkak jari/ Jari Bengkak

6. Enda tentu ninga

Beruang Bengal/ Bengal Beruang

7. Ngereja pengawa ti tetap mai penusah

Ngereja api buyah/Buyah ngereja api/ Api ngereja buyah

8. Gamal mit tang pintar mutarka pengawa diri

Padi Chabi/ Chabi padi.

9. Tuai sereta bisi agi peneleba

Dulu ngetup garam/Garam dulu ngetup/Ngetup garam dulu

10. Gamal mudah tang mar diulih

Gerah mata undang/Undang mata gerah/ Mata undang gerah

11. Enda mulaika utai diinjau

Injau kara/kara injau

12. Nyau deka mati

Ikan nyawa/Nyawa ikan

13. Berasai sakit tauka enda bepengerai

Nyilu bulu/bulu nyilu

14. Rabang tauka nadai ngeli

Pagar rawak/Rawak pagar

15. Sigat lebuh maya agi mit

Anak uduk sigat/Sigat anak uduk/Uduk sigat anak

16. Asil ulih ari pengawa ti dikereja kitai empu

Peluh titik/ titik peluh

17. Kasar betundi

Ukui tundi/tundi ukui

18. Baru-baru deka ingatka utai

Ingat lalat/lalat ingat

19. Anak murihka apai

Labang apai labang ga anak/Apai anak ga labang/ labang anak labang ga apai

20. Lepas ari penangi tauka penakut

Lepas ari nyawa baya/Nyawa lepas ari baya/ari baya lepas nyawa

21. Mayuh orang deka diambika ambai

Mata engkudu/ engkudu mata

22. Dianu tauka diayahka antu

Pansa utai/Utai pansa

23Nadai utai ke lauk

Lauk patah/patah lauk

24.  Kesal lalu enda nemu utai dikereja

Kutu temati/temati kutu

25. Udah bedengah, udah munuh orang

Jari basah/basah jari

26. Menyadi entua indu tauka lelaki

Matahari entua/entua matahari

27. Pengawa ti baru dikereja

Jagung setaun/Setaun jagung

28. Pangan, ambai ati dulu suba

Lama temawai/temawai lama

29.Orang ngereja pengawa ngambi duit sechara enda patut

Makai suap/Suap makai

3    30. Malu gawa tusah idup

Malu anyut perau bekayuh/Malu bekayuh perau anyut/Anyut bekayuh malu perau

31. Muai jam aja ngereja utai ti enda patut

Nyalak bukit uduk/uduk nyalak bukit/bukit nyalak uduk

32.  Pulai puku, nadai untung, nadai ga rugi

Buntak pulai buntak/Pulai buntak buntak/Buntak buntak pulai

33. Udah meri orang utai lalu dipinta dipulaika baru

Siku buruk/buruk siku

34. Indu nundi lelaki

Gayung ngiga ipang/Ipang ngiga gayung/Ngiga gayung ipang

35. Lawa aja tang nadai penemu kena mandingka pengelawa

Kerubung enda lawa perisi/Lawa kerubung enda perisi/Perisi kerubung enda lawa

36. Mulut manah tang ati jai

Mulut ati pulut keladi/Mulut keladi ati pulut/Mulut pulut ati keladi/Pulut ati Keladi mulut

37. Pengerusak ti kelalu amat udah nyadi nyau enda ulih diasuh manahka agi.

Udah nyadi asi bubur/Bubur udah nyadi asi/Asi udah nyadi bubur

38. Madahka pemayuh bala orang

Baka gawai daun/Baka daun gawai/Gawai baka daun 

39. Belingkuk liuk

Ular baka dipalu/baka dipalu ular/ular dipalu baka

40. Enda berani bendar tauka berani sekejap aja

Kesa berani/berani kesa

41.  Berani ngereja berani ga nanggung

Nebang berani ngesan berani/Berani ngesan berani nebang/berani nebang berani ngesan

42. Parai anak tuai

Bungai pinang gugur/Gugur pinang bungai/Gugur bungai pinang

43. Madahka penyemak alai ke digagai

Agi bebau kentut/Kentut digenggam agi bebau/ bebau kentut digenggam agi

44. Gamal amat besai tang nadai pengeliat ati lebuh kereja

Kerak asi kering/Kering kerak asi/asi kering kerak

45. Nadai utai dianti.Ngarap puang

Sungai nganti enda beulu/Nganti ulu enda sungai/Nganti sungai enda beulu

46. Naka pengering lebuh ba rumah diri tang ba rumah orang bukai, nadai endar.

Raung di rumah, Remaung di tanah/Remaung di rumah raung di tanah

47. Runding ti enda ulih dibacha.ati ti jampat bebali

Hari ati/ati hari

Karang (Penemu Rama) PMR

Karang 4-

Tanya: Aktiviti lumba enggau main amat beguna ngagai nembiak sekula. Pejuraika guna aktiviti lumba enggau main ngagai nembiak.

               Aktiviti lumba enggau main tu iya nya aktiviti ti digaga ba luar kelas. Mayuh aktiviti lumba enggau main ti dikerinduka nembiak sekula baka bemain bol, badminton, futsal, enggau mayuh agi. Kitai sama nemu pekara ti dipelajar nembiak di sekula enda chukup enti semina belajar nulis, macha enggau ngira aja. Tu mih ngujungka pelajar ti diulih nembiak deka setimbang enti bisi nyereta aktiviti lumba enggau main.

               Siti ari kebuah guna aktiviti lumba enggau main tu ngagai nembiak iya nya mantu ngurangka stress. Stress tu nyadi engka kelalu mayuh pikir lalu irauka pasal peresa ti enda manah. Tu ngujungka bala nembiak ulih ngurangka pengelelak untak ti mayuh pikir maya ba kelas. Udah bemain, dia untak nembiak ulih regas baru.

               Kelimpah ari nya, aktiviti lumba enggau main tu ulih mantu meri pengerai ngagai nembiak. Penyakit deka nyamai inggap ba siku-siku mensia enti kurang ngaga aktiviti lumba. Enti nembiak semampai aktif, dia sida deka semampai gerai. Ari tu tadi, nembiak mega deka nyamai agi bulih pemujur ba sekula.

               Nambahka nya, lebuh bemain begulai enggau nembiak bukai, dia nembiak mega ulih belajarka reti bekerejasama enggau orang bukai. Nembiak deka bulih pengelandik begulai enggau orang bukai. Enti nembiak semina belajar aja, penemu tauka pengelandik ke baka tu enda dipelajar. Pemansang nembiak enda setimbang.

               Guna bukai aktiviti lumba enggau main iya nya ngelatih nembiak nerima pemenang enggau pengalah enggau ati ti tebuka. Sida enda sumbung enti alah. Pia mega enti sida alah. Sida enda jampat tumpul ati.

               Ke pengujung iya, lumba enggau main tau mai mayuh penguntung ngagai nembiak sekula laban iya ulih ngasuh pemansang runding enggau tubuh nembiak chukup setimbang sereta menyana. Nya alai, nembiak endang patut nyereta lumba enggau main. Tu ulih ngujungka nembiak tu bulih pemujur ba sekula.

Sekeda ari Chunto Karang PMR 2012

Karang 2- Ripot

Tanya: Gerempung Jaku Iban sekula udah mujur ngatur aktiviti sepemanjai taun tu. Nuan dipadu nyadi seketari lalu dipinta nulis ripot aktiviti sepemanjai taun tu.

Ripot Aktiviti Sepemanjai taun 2012 Gerempung Jaku Iban SMK Medamit

               Gerempung Jaku Iban ba SMK Sematong tu udah ditumbuhka kenyau ari taun 2010. Tu taun kedua iya gerempung tu bejalaika pengawa. Dalam taun tu, gerempung tu bisi dua iku pengajar penyanding iya nya pengajar Braoh Ngumbang enggau pengajar Mary Entalai. Nyadi raban nembiak ti masuk ba gerempung tu iya nya 43 iku. Bisi nambah 12 iku ari taun 2011.

               Mayuh aktivti ti udah diatur dalam taun tu. Semua aktiviti endang diatur nitihka perambu ke udah digaga sebedau nya. Aktiviti keterubah iya diatur iya Pekit bekelikuh penemu. Iya mujur digaga kenan 29hb Mac tu tadi. Pekit tu dibuka ngagai semua nembiak ba sekula tu. Nembiak ti menang iya nya Nelson Jeti ari kelas 4B. Iya mega dipilih ngarika sekula ba pekit ke sama tang enda mujur.

               Kena bulan Lima, Gerempung Jaku Iban mujur ngatur Minggu Jaku Iban. Dalam minggu nya, mayuh aktiviti udah mujur dipejalaika. Aktiviti ke diatur dalam minggu nya baka Pekit Nulis Karang, Pekit Belagu Karaoke, Pekit Bepantun enggau Pekit Becherita. Mujur bendar taun tu Gerempung Jaku Iban bisi bulih bantu ari Serakup Iban Dayak (SADIA). Nya alai, perais ke taun tu manah agi ari taun ke udah.

               Ba bulan Lapan, Gerempung Jaku Iban bisi ngatur siti Program ngagai nembiak ti deka ngambi peresa ba PMR enggau SPM. Program ke diatur pengelama dua hari tu iya Program Nyaut Peresa PMR enggau SPM. Bisi 50 iku nembiak ke ngambi bagi. Tuju program tu diatur ngambika nembiak ti deka ngambi peresa SPM enggau PMR bisi peneleba nyaut tanya peresa Jaku Iban. Tu mega ngambika mayuh agi nembiak bulih pemujur ba peresa taun tu.

               Siti agi aktiviti ti digaga Gerempung Jaku Iban tu iya nya nemuai sambil belajar. Gerempung Jaku Iban udah mujur nemuai sambil belajar ngagai Opis RTM ba bagi Iban. Program tu semina ungkup raban gerempung aja. Program ke baka tu digaga dikena nambahka pengelandik enggau penemu diri. Semua raban ti bisi enggau gaga magang laban ti udah nemuai sambil belajar. Bisi sekeda minta nemuai ngagai tempat ke jauh agi.

               Ke taun tu, semua aktiviti bejalai lanchar. Gerempung Jaku Iban bisi nerima jaku puji ari pengetua laban ti udah mujur bejalaika semua aktiviti sepemanjai taun 2012. Tu ngujungka gerempung tu nyadi gerempung ti pemadu mujur taun 2012. Enggau tu, ngarapka taun ti deka datai, mayuh agi aktiviti ti deka digaga.

Ripot ditulis ulih:

Semaun

..................

(SEMAUN ANAK BIDAU)

Seketari

Gerempung Jaku Iban

SMK Sematong

Karang PMR 2012

KARANG 1

Tanya: Nuan dipinta bejaku ba mua mayuh pasal “Bakani Milih Pangan Serambau ti manah”. Tulis teks jaku nuan nya

               Iya ti dipebasaka Pengetua SMK Biau Tanju, Mr Edwin Nanta, semua pengajar ti bisi datai enggau raban nembiak semua. Selamat pagi, selamat begempuru enggau selamat Satu Malaysia. Aku dulu meri besai terima kasih laban diberi peluang bejaku baka ke pagi tu. Tuju aku bejaku ba mua mayuh baka ke dipeda kita semua laban deka bejuraika topik “Baka ni milih pangan serambau ti manah”.

Bala peninga semua,

               Kitai semua sama nemu kitai enda ulih idup kediri. Anang mih kitai nunda pendiau bubut. Kitai idup di dunya tu enda bepanggai ba orang. Baka nya mega kitai ti nyadi nembiak sekula. Pangan serambau tu ti nyadi orang ke semak enggau kitai kelimpah ari apai indai. Pangan serambau tu bisi guna iya enggau kitai. Bala nembiak ti bisi ditu tentu suah agi bekunsi penemu, cherita tauka penusah diri enggau orang ti sama rebak. Sida tu nyamai agi sereta deka agi madahka siti-siti pekara tauka penanggul ngagai pangan serambau enti dibandingka enggau diri sebilik.

               Siti chara kitai milih pangan serambau ti manah iya nya ari umur. Bala nembiak deka nyamai agi begulai enggau pangan lebih kurang sama umur. Ambi ke chunto, nembiak ba pom satu tentu ngiga pangan serambau ti sama ba pom satu. Kebuah pia, chara bepikir tauka pekara ti dikerindu endang nyau deka sama. Tambah mega, pangan serambau tu enda malu bekunsi penanggul enggau pangan diri. Nya mih kebuah umur ti dikena milih pangan serambau.

               Kelimpah ari nya, pengerindu ti sama mega nyadika siti chara ba milih pangan serambau. Nembiak ti bakedayau rindu agi begulai enggau nembiak ti sama perangai ke baka nya. Nya alai, bala nembiak semua patut bejimat lebuh milih pangan serambau. Pilih mih pangan serambau ti ngembuan pengerindu ti meri pemujur tauka bisi tuju ke manah. Chunto pangan ti manah iya nya rajin, bebasaka pengajar enggau apai indai, mereti enggau mayuh agi. Kebuah pia, pangan serambau ulih nukar perangai enggau ulah kitai nundaka sida iya.

               Chara ke bukai iya nya meda pengelebih pangan serambau nya. Bisi ari kitai ngiga pangan serambau ti pemisi. Kebuah iya, sida ti pemisi tu ulih nulung kitai maya bisi penyuntuk tauka penusah. Bisi mega kitai milih pangan serambau ti pandai. Sida ke pandai tu ulih bekunsi penemu lalu ngajar sida iya. Nya alai, pengelebih ba siku-siku nembiak tu nyadika siti kebuah sida dipilih nyadi pangan serambau.

               Ke pengujung tu, aku ngarap bendar bala nembiak semua bejimat lebuh milih pangan serambau. Anang ngerusak diri begulai pangan serambau ti jai ulah. Orang ti baka tu enda mai kitai ngagai pemujur tauka pemanah. Beduduk ari sehari tu, pilih mih pangan serambau nitihka udah dipadah ke tadi. Enggau nya, naka tu aja jaku aku pasal “bakani milih pangan serambau ti manah”. Nya aja, terima kasih.

Pra PMR Kertas 2 Bahasa Iban

Bagi A : Meretika Teks Prosa
[ Taga Jam : 15 minit]
[ 10 mark ]
Tanya 1 – 5
Bacha enggau silik teks karang di baruh tu. Udah nya saut semua tanya ti nangkan nya ngena ayat penuh.

              Hari Gawai Dayak tu siti ari pengerami ti diintu di Malaysia, tiap-tiap taun lebuh 1 haribulan Enam. Di Sarawak, hari tu diintu semua pupu raban bansa Dayak. Iya hari diau ke semua rayat di Sarawak laban sida bela ngerami hari nya. Sida ke bansa Dayak ti diau di nengeri tauka di menua pesisir kiruh nyambut penatai pengabang ke datai besun-sun.
Hari Gawai Dayak udah nyadi hari besai kenyau ari taun 1964 udah bekau Council Negeri ti ngemasukka iya ba Gazette nengeri Sarawak lebuh 25.09.1964. Iya terubah diintu dalam taun 1965.
Pemutus runding perintah ti ngemendarka Hari Gawai Dayak nyadi hari diau, besai bendar reti ke mayuh raban bansa Dayak. Iya ukai semina nyadi ke tanda bansa bukai ngelala sereta bebasaka bansa Dayak, tang iya nyadi ke tali penanchang mayuh raban bansa Dayak ti ngujungka sida ulih beserakup sereta begulai sejalai dalam semua pengawa. Raban bansa Dayak patut bendar temegah ati sereta beterima kasih ngagai tuai bansa Dayak baka Datuk Tra Zehnder ke udah bendar amat minta hari nya dikemendarka perintah. Peminta nya udah didinga Kepala Menteri Menua Sarawak ke terubah iya, Datuk Stephen Kalong Ningkan enggau bala menteri lebuh maya nya.
Ke maya hari tu, Hari Gawai udah tebilang di menua tu. Iya diintu ngena mayuh macham pengerami ti mandangka pengaya adat asal bansa Dayak di menua tu. Bansa ti ukai peturun Dayak ti enda sama pengarap enggau adat nadai sanggu datai ngabang lebuh Hari Gawai Dayak. Enti sida enda ulih datai batang tubuh, sida ngirumka kad Selamat Hari Gawai Dayak. Hari Gawai Dayak tetap nyadi ke lambang penyerakup pupu raban bansa di Malaysia. Ketegal tu, iya udah narit ati bala temuai ari menua bukai.

1. Ke maya terubah bansa Dayak ngintu Hari Gawai? [1 mark]
2. Nama kebuah Hari Gawai besai bendar reti ke bansa Dayak? [2 mark]
3. Baka ni Hari Gawai Gayak tu nyau udah tebilang ke maya hari tu? [2 mark]
4. Beri reti rambai jaku nadai sanggu nitihka genteran karang di atas [2 mark]
5. Ba penemu nuan, beri kebuah kitai Dayak mesti nyambut Hari Gawai? [3 mark]




Bagi B: Karang Belalau
[ Taga jam : 15 minit ]
[ 20 mark ]
Peratika gambar di baruh tu enggau silik. Beri penerang nuan senentang pengerusak ketegal eksiden di jalai alun. Pemanjai kerembai karang nuan nya patut lebih ari 80 leka jaku.

Bagi C : Karang
[ Taga jam : 45 minit ]
[ 30 mark]

Tulis siti karang pasal siti ari pekara di baruh tu. Pemanjai karang nuan nya patut lebih ari 200 leka jaku.

1. Kimpin Nagang Orang Nginsap majak dipejalaika ba semua tempat. Tulis siti karang pasal “kebuah kitai enda patut nginsap”

2.  Sekula nuan baru tembu ngatur Hari Pengajar. Nuan dipadu ngaga ripot pasal pengerami Hari Pengajar nya.Tulis ripot nuan nya

3.  Industri Dagang Temuai majak beguna dikena nyungkakka penatai pemisi menua. Bakani chara ti tau digaga dikena narit temuai ari menua bukai.

4. Tulis siti cherita belalauka sempama di baruh tu.
   “Baka tekura enggai enda tepantup ba bandir”


KERTAS SOALAN TAMAT

Pra PMR 2012 Kertas 1 Bahasa Iban

TANYA 1-12
Tembuka ayat di baruh tu ngena saut ti engkeman
1. Engkudu enggau tepus endang tau diempa ___________ ulih ke ubat.
A. sereta
B. tauka
C. laban
D. enti

2. Entelah ti ____________ pengajar Junit bulih lumur satu ba pekit begaga entelah.
A. ditebangka
B. ditangkanka
C. dikengkangka
D. diengkebangka
3. ______________ nganti belabuh bumai baru, aki Irik betanamka sayur ensabi.
A. semadi
B. sereta
C. seraya
D. sampaika
4. _____________, besai amai ular sawa nyin!
A. Akai dai
B. Apo
C. Eh
D. Nyah

5. “Baju nuan tu ______________ alai meli iya?ku Mugat nanya palan endur meli baju nya.
A. kati
B. lapa
C. dini
D. sapa

6. Baur ginti enggi Judan nyin nyau ______________ laban benung dientun ikan.
A. gilik-gilik
B. benyut-benyut
C. gusak-gusak
D. rat-rat

7. Aki Daup enggau uchu iya mai dua _____________ jala ke sungai lemai tadi.
A. rawan
B. rumbang
C. perugan
D. panchang

8. Lebuh ninga berita ari radio pagi tadi, empat ___________ pelilih menua ditinggang penusah kemarau panjai.
A. bidang
B. bengkah
C. dendan
D. enteran

9. Orang ti disebut ___________________ nya orang ti udah mati.
A. resa papa
B. miau mapau
C. lungau mamau
D. layu punggu

10. “Tu _____________ bup aku tang iya ke tebal nya baru bup aku,”ku Bidau madahka Ungging.
A. nadai
B. enggai
C. enda
D. ukai

11. Jibam bisi peneleba bejalai ba pasar Sibu laban ____________ diau dia pengelama tujuh taun.
A. kala
B. deka
C. patut
D. ukai

12. Jidin enda milih engkayu enti lebuh makai ________ nyawa baya.
A. munyi
B. sema
C. baka
D. nitih

TANYA 13-18
Ayat di baruh tu nyangka betul tauka bisi salah. Enti ayat nya bisi salah, penyalah nya udah ditanda ngena A, B tauka C enti ayat nya bisi salah. Pilih D enti ayat nya nadai salah.

13. Bansa Dayak tu dipechahka ngagai mayuh raban bansa baka Iban, Bidayuh enggau ke bukai.
       A       B     C
Nadai penyalah.
           D
14. Ujan demalam ti bangat lalu ngujungka arus Sungai Ulu Limbang jampat sereta enda likun ke
                                 A     B            C
perau ti mit. Nadai penyalah
   D
15. Kami duai Anggit sama bela makai kolo mee enggau pau kachang sambil macha bup cherita.
           A           B      C
Nadai penyalah
            D
16. Bantin gaga amat ati laban beli apai iya tanchut enggau baju baru ke upah iya ti bulih 8A
             A       B          C
dalam peresa PMR. Nadai penyalah
    D
17. Sebengkah ari pemakai kitai bansa Iban ti udah chukup tebilang di serata menua iya nya
A
manuk lulun tauka pansuh manuk. Nadai penyalah
B C D

18. Tuai rumah Emparan meri pemutus runding pasal penyarut sida serumah munyi idung antara
A    B
mata, baka dilah antara nyawa. Nadai penyalah
C         D


Tanya 19 – 22
Pilih ayat ti sama reti tauka nyau deka sebaka reti enggau ayat ti dichelak tebal di baruh tu.


19. Komiti Penusah Angus Pasar Sebuyau deka ngatur aum senentang ngaga palan baru pasar Sebuyau ke retung diempa api kena 26 Jun ke udah.
A. Kena 26 Jun ke udah, Komiti Penusah Angus Pasar Sebuyau deka ngatur aum senentang ngaga palan baru pasar Sebuyau ke retung diempa api.
B. Aum senentang ngaga palan baru pasar Sebuyau ke retung diempa api kena 26 Jun ke udah deka diatur Komiti Penusah Angus Pasar Sebuyau.
C. Pasar Sebuyau ti angus kena 26 Jun tu udah dikeaumka Komiti Penusah Angus pasal ngaga palan pasar baru.
D. Deka ngatur aum senentang ngaga palan baru pasar Sebuyau kena 26 Jun ke udah Komiti Penusah Angus Pasar Sebuyau.

20. Opis Pengerai naburka berita pasal penyakit denggi ti bisi berampit ba pelilih menua Tanah Galau.
A. Penyakit denggi ti bisi berampit udah ditaburka Opis Pengerai ba pelilih menua Tanah Galau.
B. Menua Tanah Galau udah ditaburka berita pasal penyakit denggi ti bisi berampit ulih Opis pengerai.
C. Berita pasal penyakit denggi ti bisi berampit ba pelilih menua Tanah Galau ditaburka Opis Pengerai.
D. Pelilh menua Tanah Galau udah ditaburka Opis Pengerai pasal berita penyakit denggi ti bisi berampit.

21. Mayau enggi sida Chabu bechura burak tang mayau enggi sida Kumbau bechura chelum.
A. Bechura chelum burak mayau enggi sida Chabu enggau enggi sida Kumbau.
B. Sida Chabu bisi mayau ti bechura burak tang nadai mayau sida Kumbau bechura chelum.
C. Enggi sida Kumbau nya mayau chelum tang enggi sida Chabu mayau burak.
D. Nya mayau burak enggi sida Chabu lalu nyin mayau chelum enggi sida Kumbau.


22. Nina madahka Julia deka pulai ke rumah panjai kena ujung minggu tu enggau Mikie.
A. “Aku deka pulai ke rumah panjai Mikie kena ujung minggu tu,”ku Nina madahka Julia
B. “Aku enggau Mikie pulai ke rumah panjai,” ku Nina madahka Julia kena ujung minggu tu.
C. “Aku enggau Mikie pulai ke rumah panjai kena ujung minggu tu,”ku Nina madahka Julia
D. “Kena ujung minggu tu aku enggau seduai Mikie pulai ke rumah panjai,”ku Nina madahka Julia

Tanya 23 – 26
Pilih ayat ti betul di baruh tu lalu tentuka saut nuan nya engkeman.

23. I. Nembiak ditagang muai uras ba sebarang endur
II. Linda mai Nita raun ke Pulau Labuan
III. Buah sawit ba kebun aki Sawing nyau garing labuh atas tanah
IV. Usup benung ngemasang lampu ba ruai.
A. I enggau II
B. II enggau III
C. III enggau IV
D. I enggau IV

24. I. Nembiak nyin benung ngenataika pesan ngagai pengajar Chuat.
II. Kitai enda tau ngemulaka orang bukai kelebih agi ngagai orang tuai.
III. Lemambang nya ngemiau kami ngena manuk sabung ba tengah ruai.
IV. Kapal nya benung ngemutarka lebuh bala nembiak mit agi bemain ba ai.
A. I enggau II
B. II enggau III
C. III enggau IV
D. I enggau IV

25. I. Taja pia iya semina bekereja deriba lori lalu enda kala ngutang duit.
II. Aku agi mit suba deka amat makai buah pisang enggau buah rian.
III. Baju baru Ambar udah ditesah tang baju lama iya baru udah dilipat.
IV. Aki Mandau dulu nanam getah ari nanam sawit enggau lada.
A. I enggau IV
B. II enggau III
C. I, II enggau III
D. II, III enggau IV

26. I. Udah makai magang sida uduk enggi Gerunsin ti diberi iya nama Jugam.
II. Santi enggau madi iya berundang ninting hari ke sekula laban ti enda jauh.
III. Igat Usup gendai-gendai pulai ke menua nadai mai buah jari.
IV. Pungga enda telabanka pemintar Bunsie ba pelajar Matematik.
A. I enggau IV
B. I enggau III
C. I, II enggau III
D. II, III enggau IV

Tanya 27 – 30
Pilih saut ti engkeman belalauka penerang tauka sempama ti diberi di baruh tu.




27. Beri sempama ti nipakka enggau reti ba atas nya?
A. Baka ngelakuka tajau belah
B. Baka burung patah sayap
C. Baka Kumang nupi sawa
D. Baka pitak dibuai mata


28. Nama reti sempama berani kesa ?
A. Berani ngereja lalu berani ga tanggung
B. Enda berani enggau nadai akal ngereja utai
C. Enda berani bendar tak semina berani sekejap aja
D. Berani pengambis ati sereta kempang ngereja utai nya

Kasih amat meda bala orang sakit nya. Siku ari sida nya ke balat bendar sakit lalu nganti hari aja.

29. Sempama ti patut nipakka ayat di atas iya nya
A. Nyawa ikan
B. Ngulit keli
C. Meragai baka mulung
D. Munyi ke diruruk


30. Siti ari sempama di baruh tu enda engkeman nitihka reti iya.
A. Dinding bulu         - bisi ngembuah pengaruh
B. Ruruh asam           - betakah hari orang mati
C. Chelap ati           - enda mudah ringat
D. Nemu rian tingkar - bulih penguntung taja nadai pansut peluh


Tanya 31 – 35
Bacha enggau silik genteran cherita di baruh tu. Udah nya saut semua tanya ti nangkan nya.


“Kitai anang bebakih enggau Abol. Iya tu ‘pegian dadah’. Enti kita enda bejimat, kita kena rampit iya ngereja pengawa jai ila!”
Jaku ke munyi nya endang selalu ke pangan pending aku. Orang keji ke aku ukai semina orang bukai tang nyengkaum Apai Mungat, endang menyadi niang apai aku. Ulah kami serumah ti benchika aku enda semacham. Orang ti bisi anak dara berat-rat nagang anak sida bejaku enggau aku. Sekeda enda leju-leju nyindir aku ngena jaku ke tajam-tajam. Mesai kukut chelum pan nadai mensia ke menyana.

Lebuh ninga jaku jai orang, aku nyabung pengeliat ati diri nitihka ajar pengarap aku. Aku enda nimbal jaku orang tauka nganu orang. Aku ingatka penyai diri. Indai aku balu. Kami sebilik miskin amat. Batang jalai pengidup kami sebilik nya nangkal getah. Aku bisi menyadi dua iku ke agi besekula. Janting besekula ba pom lima enggau Luat agi ba primari 5.Tu balat amat agi nating indai ba belanja.

Nya alai sekumbang ke udah datai di rumah panjai, aku nguji bekereja bebendar. Lebuh tumu pagi, aku nulung indai nangkal getah. Muak ke lemai aku ngintu kebun sayur ti ditumbuhka aku ba tanah muakka ujung bilik kami. Utai ditanam aku nyadi bendar. Asil kebun dijual ke pasar. Aku enda nyual iya ba kami serumah laban orang agi keji. Datai asil kereja aku pan orang enggai beguna.

Asil ari kebun aku chukup ke belanja kami sebilik. Pendiau kami sebilik nyau mansang menyana-semenyana. Meda kami sebilik nyau mansang nyamai, dia pemenchi kami serumah nyau betukar kepapas.

Hari siti lebuh deka nangkal getah, dia ati aku nyau asai ke runtuh meda batang getah kami nyau bakedilak ditibak orang. Aku belabaka nya sigi pengawa kami serumah empu. Enti nundaka pemedis ati, sigi aku serang kami serumah kelebih orang ke nibakka pun getah nya. Indai aku tusah amat ati meda siti ari jalai pengidup kami sebilik udah dikachau orang.


31. Nama orang ke bempu cherita nya tadi?
A. Abol
B. Mungat
C. Janting
D. Luat

32. Nama kebuah penulis tu dibenchi?
A. Iya ditangkap laban nyual dadah
B. Iya kala dijil ketegal gian dadah
C. Iya ngerampit sida serumah gian dadah
D. Iya endang nembiak ti jai ulah sereta enda manah pendiau

33. Baka ni chara penulis napi semua jaku jai ari sida serumah?
A. Bekereja bebendar
B. Ngena pengeliat ati nitihka ajar pengarap iya
C. Nyerang sida serumah ti bejai sereta enggai meda sida sebilik
D. Bejual asil sayur ke pasar

34. Nama reti jalai pengidup nitihka genteran cherita nya tadi?
A. Ulah digaga ngurangka penusah diri
B. Pengawa ti digaga maya nya
C. Chara ngiga pemakai
D. Batang pengarap


35. Nama kebuah sida serumah kepapas meda penulis?
A. Pengidup penulis sebilik ti majak manah
B. Penulis bisi bejaku enggau indu dara
C. Penulis enda nemu ngelaban sida serumah
D. Penulis enggaika nyual sayur ngagai sida serumah


Tanya 36 – 40
Bacha enggau silik leka main di baruh tu. Saut semua tanya ti nangkan nya.

              Aku deka belagu,
Ninga kita aka adi,
Ngenang pengawa dagang, kereja betanam betupi.
Kereja bekebun lada, pengawa betupi chapi.

Paya tau dikena, parit enggau kubi.
Tanah renjan sungkur lipan, jalai mai lori.
Munggu tanamka labu, selat sayur ensabi.
Lebak tanamka retak, emperan tanam empari.

Asil jual ke pasar, eksport ke luar nengeri.
Bulih duit mayuh, anang main judi.
Simpan dalam bank, guna dudi hari.
Belanja anak sekula, masuk universiti.
Pemakai nadai pungkang, empa peneka ati.
Gari nadai ngenchadi, duit bisi enggau meli.

Tu naka jaku, aku main betusi
Pagi ila kitai gawa, anang masau hari.


36. Sapa orang ti ditujuka leka main nya ?
A. Orang ti bisi bekereja
B. Bala apai indai
C. Nembiak ti agi besekula
D. Orang ti rindu ninga lagu



37. Nama kebuah asil betanam betupi nya nyau kena eksport ke luar nengeri?
A. Asil ti mayuh lalu ulih dijual ke nengeri luar
B. Nengeri luar rinduka asil ari menua kitai
C. Orang ti menua tu udah leju ke makai asil diri empu
D. Laban untung agi asil tu kena eksport ke luar nengeri


38. Siti ari guna duit ti enda manah nitihka genteran di atas?
A. Meli pemakai sepeneka ati
B. Belanja anak sekula
C. Simpan dalam bank
D. Bemain judi

39. Nama reti masau nitihka leka main di atas?
A. ngemanjaika
B. ngiga
C. muai
D. meri

40. Nama kebuah orang tu mantaika leka main tu?
A. Ngasuh semua kitai betusi pasal kereja
B. Madahka chara nanam sayur
C. Bekenangka enggau pangan diri
D. Ngajar orang ti bekereja