Ngagai semua nembiak ti ngambi peresa Iban, ngarapka kita mujur dalam peresa Iban ti deka digaga kena 12/10/2010.
Keterubah iya, peratika dulu tanya enggau silik.
Kedua iya, pilih saut enggau manah.
Mesti nemu magi jam ngambika chukup awak dikena nyaut peresa.
Keretas 1
1. Bisi 40 tanya ti mesti disaut.
2. Semua tanya objektif
3. Saut semua tanya
4. Mesti bacha enggau silik tanya sereta pilih saut ti betul
Keretas 2
1. Tanya bisi dibagi 3 iya nya Bagi A, Bagi B dan Bagi C.
2. Bagi A iya nya tanya pasal meretika genteran. INGAT, mesti saut ngena ayat ti penuh.
3. Bagi B iya nya karang belalau. Peratika gambar tauka grafik dulu. Udah nya baru meretika topik nya tadi. INGAT, karang belalau mesti lebih 80 leka jaku.
4. Bagi C iya nya karang selama. Bisi pilih tanya ditu. Pilih tanya ti ulih disaut. Karang patut lebih ari 200 leka jaku
SELAMAT NYAUT TANYA JAKU IBAN PMR 2010
Monday, October 11, 2010
Friday, October 8, 2010
Surat Pekirum Rama
Tanya: Nuan bisi kaban ari menua tasik ti deka nemu pasal penyakit berampit ti nyadi ba menua nuan. Tulis penuh surat nuan nya.
Kelas 3Regas
SMK Medamit
Peti Surat 341
98707 Limbang
Sarawak, Malaysia
Kelas 3Regas
SMK Medamit
Peti Surat 341
98707 Limbang
Sarawak, Malaysia
Tabi Kumaran,
Nuju nuan ti dikeingat selalu.Nama berita nuan di menua India diatu?Aku ngarapka kita sebilik meruan gerai belama.
Baka ni pendiau nuan diatu?Baka kami sebilik di Limbang tu endang gerai baka dulu. Diatu aku majak kiruh belajar laban peresa PMR nyau enda lama agi. Tiap-tiap hari aku aku pulai laun ke rumah laban bisi kelas tambah diadu ba sekula. Semua tu digaga kena napi peresa PMR ti deka datai tu. Aku pecaya ulih pas enggau manah dalam peresa nya ila. Pia mega, aku ngarapka nuan mega ulih besampi ke aku ngambika ulih pas enggau manah.
Tuju aku nulis surat tu laban deka nyeritaka nuan pasal siti penyakit berampit ti benung nyadi di menua tu.Penyakit ti kenu ku aku nya iya nya Penyakit Renga Babi. Ia mega dikumbai orang penyakit Renga H1N1.Penyakit tu amat dikenakutka mensia mayuh ditu. Naka ke diatu bedau bisi agi ubat ti ulih ngeraika penyakit tu.Naka ke diatu, dalam timpuh sebulan penyakit tu nyadi, nyau deka 200 iku mensia uldah kena rampit.Taja pia, bedau bisi agi orang mati ketegal penyakit Rengga H1N1 tu.
Nyadi Penyakit Renga Babi tu asal datai iya ari menua Mexico di Amerika Selatan. Penyakit tu datai ke menua tu dibai bala temuai ti datai ari menua nya lalu ke menua tu. Nitihka padah ari lutur, orang ti kena laban penyakit tu deka ngasaika diri enda nyamai isi. Tang renga tu tadi deka panjai lalu bisi bulih pedis pala sereta pedis isi ba sebelah tubuh.Enti orang ti sakit tu enda nerima. Enti sida tu enda berubat enggau manah, penyakit tu ulih nabanka nyawa. Laban ti penyakit tu mudah berampit, perintah menua tu bisi ngiga jalai dikena nagang penyakit tu.
Siti ari chara nagang penyakit tu berampit iya nya ngeruantinka orang ti pulai ari menua tasik kelebih agi sida ti pulai ari Mexico, Amerika Syarikat, Australia enggau Indonesia. Kebuah pai, mayuh ari rayat menua tu ti kena penyakit H1N1 tu tebal agi sida ti baru pulai ari menua tasik. Temuai luar pan deka dikuarantin dulu lalu deka peresa pengerai dulu sebedau ulih tama ngagai menua tu. Chara ke baka tu endang amat manah dikena nagang penyakit tu berampit.
Pia mega, perintah di menua tu mega nutup beberapa sekula lebuh ti bisi nembiak di sekula nya ngembuan igi penyakit tu. Ba Kuala Lumpur aja, empat buah sekula udah ditutup pengelama seminggu ketegal penyakit H1N1 tu. Semua bala pengajar, kerani enggau nembiak sekula di sekula nya diperesa pengerai dulu.
Nambahka nya mega, perintah ngatur kimpin nyaga pengerai enggau pemeresi tubuh diri. Kimpin tu dipelajaika nengah radio, surat kabar, televisyen. Pengawa ke baka tu diatur ngambika rayat ditu semampai nyaga pemeresi diri.Mensia mayuh dilalau bekenaka sengkarung mua lalu nuchi jari enggau ai beresi pengudah batuk enggau engkasi.Sida ti kena rampit enda ulih enggau bebalut ba tempat mayuh orang.
Mayuh udah pekara ditulis aku dalam surat kali tu.Nyadi, kira naka tu dulu meh endur aku nulis. Aku ngarap nuan ulih ngirumka berita nuan dia ga udah tu.Anang enda ingat kirumka salam aku mega ngagai kita sebilik dia. Pengujung iya ari aku, minta ampun enti bisi tekasar jaku dalam surat aku tu.
Nya aja, terima kasih.
Ari aku,
…………
(Nobert Langgi Jui)
Nuju nuan ti dikeingat selalu.Nama berita nuan di menua India diatu?Aku ngarapka kita sebilik meruan gerai belama.
Baka ni pendiau nuan diatu?Baka kami sebilik di Limbang tu endang gerai baka dulu. Diatu aku majak kiruh belajar laban peresa PMR nyau enda lama agi. Tiap-tiap hari aku aku pulai laun ke rumah laban bisi kelas tambah diadu ba sekula. Semua tu digaga kena napi peresa PMR ti deka datai tu. Aku pecaya ulih pas enggau manah dalam peresa nya ila. Pia mega, aku ngarapka nuan mega ulih besampi ke aku ngambika ulih pas enggau manah.
Tuju aku nulis surat tu laban deka nyeritaka nuan pasal siti penyakit berampit ti benung nyadi di menua tu.Penyakit ti kenu ku aku nya iya nya Penyakit Renga Babi. Ia mega dikumbai orang penyakit Renga H1N1.Penyakit tu amat dikenakutka mensia mayuh ditu. Naka ke diatu bedau bisi agi ubat ti ulih ngeraika penyakit tu.Naka ke diatu, dalam timpuh sebulan penyakit tu nyadi, nyau deka 200 iku mensia uldah kena rampit.Taja pia, bedau bisi agi orang mati ketegal penyakit Rengga H1N1 tu.
Nyadi Penyakit Renga Babi tu asal datai iya ari menua Mexico di Amerika Selatan. Penyakit tu datai ke menua tu dibai bala temuai ti datai ari menua nya lalu ke menua tu. Nitihka padah ari lutur, orang ti kena laban penyakit tu deka ngasaika diri enda nyamai isi. Tang renga tu tadi deka panjai lalu bisi bulih pedis pala sereta pedis isi ba sebelah tubuh.Enti orang ti sakit tu enda nerima. Enti sida tu enda berubat enggau manah, penyakit tu ulih nabanka nyawa. Laban ti penyakit tu mudah berampit, perintah menua tu bisi ngiga jalai dikena nagang penyakit tu.
Siti ari chara nagang penyakit tu berampit iya nya ngeruantinka orang ti pulai ari menua tasik kelebih agi sida ti pulai ari Mexico, Amerika Syarikat, Australia enggau Indonesia. Kebuah pai, mayuh ari rayat menua tu ti kena penyakit H1N1 tu tebal agi sida ti baru pulai ari menua tasik. Temuai luar pan deka dikuarantin dulu lalu deka peresa pengerai dulu sebedau ulih tama ngagai menua tu. Chara ke baka tu endang amat manah dikena nagang penyakit tu berampit.
Pia mega, perintah di menua tu mega nutup beberapa sekula lebuh ti bisi nembiak di sekula nya ngembuan igi penyakit tu. Ba Kuala Lumpur aja, empat buah sekula udah ditutup pengelama seminggu ketegal penyakit H1N1 tu. Semua bala pengajar, kerani enggau nembiak sekula di sekula nya diperesa pengerai dulu.
Nambahka nya mega, perintah ngatur kimpin nyaga pengerai enggau pemeresi tubuh diri. Kimpin tu dipelajaika nengah radio, surat kabar, televisyen. Pengawa ke baka tu diatur ngambika rayat ditu semampai nyaga pemeresi diri.Mensia mayuh dilalau bekenaka sengkarung mua lalu nuchi jari enggau ai beresi pengudah batuk enggau engkasi.Sida ti kena rampit enda ulih enggau bebalut ba tempat mayuh orang.
Mayuh udah pekara ditulis aku dalam surat kali tu.Nyadi, kira naka tu dulu meh endur aku nulis. Aku ngarap nuan ulih ngirumka berita nuan dia ga udah tu.Anang enda ingat kirumka salam aku mega ngagai kita sebilik dia. Pengujung iya ari aku, minta ampun enti bisi tekasar jaku dalam surat aku tu.
Nya aja, terima kasih.
Ari aku,
…………
(Nobert Langgi Jui)
Karang PMR
Karang
Tanya:
Nembiak sekula enda ulih mai talipaun binching ke sekula. Pejuraika penemu nuan senentang pekara tu.
Talipaun binching tu siti ari pemansang ti sama diasai kitai kemaya hari tu. Enti suba, semina orang ti kaya sereta pemisi aja bisi ngembuan talipaun binching. Tang diatu, nyau ka tiap-tiap iku dalam siti ruang bilik bisi talipaun binching kediri. Nembiak sekula pan baka nya meh. Nyau deka serap sida tu bisi talipaun binching kediri empu. Taja pia, nembiak sekula enda dikemendar mai talipaun binching ke sekula. Kebuah pia, mayuh penanggul deka nyadi.
Siti ari penanggul iya nya nembiak enda tentu belajar. Kebuah pia, pengajar benung ngajar ba mua tang bala nembiak bemain talipaun. Tu ulih ngujungka nembiak enda ulih nerima belajar enggau manah. Pengawa ke baka tu ngujungka nembiak enda mujur dalam sekula. Nyadi semua tu pulaika pengerugi diri.
Kelimpah ari nya, talipaun tu ulih ngujung nembiak bukai mega enda ulih belajar. Talipaun ti bemunyi inggar tu ngachau ari ningaka ajar ari pengajar. Pekara ti diajar pengajar tentu enda nyentukka ngagai bala nembiak. Tu ngerugika bala nembiak. Ketegal talipun binching, nembiak sekula kurang nerima nyentuk isi pelajar.
Kebuah ti bukai nembiak enda ulih mai talipaun binching ke sekula laban mayuh pekara ti enda manah ketegal talipaun binching tu. Bisi sekeda nembiak bekenaka talipaun binching nyimpan gambar ti enda manah lalu nyadung iya ngagai orang bukai. Pengawa tu enda manah dikereja. Ia mega nyadika siti penanggul ba sekula.
Nya alai, amat patut meh perintah nagang nembiak sekula mai talipaun binching ke sekula. Enti amat nembiak deka betalipaun, sida ulih ngena talipaun opis sekula tauka talipaun rama. Pengawa ke nagang nembiak sekula mai talipaun binching ke sekula mayuh amat penguntung iya.
Tanya:
Nembiak sekula enda ulih mai talipaun binching ke sekula. Pejuraika penemu nuan senentang pekara tu.
Talipaun binching tu siti ari pemansang ti sama diasai kitai kemaya hari tu. Enti suba, semina orang ti kaya sereta pemisi aja bisi ngembuan talipaun binching. Tang diatu, nyau ka tiap-tiap iku dalam siti ruang bilik bisi talipaun binching kediri. Nembiak sekula pan baka nya meh. Nyau deka serap sida tu bisi talipaun binching kediri empu. Taja pia, nembiak sekula enda dikemendar mai talipaun binching ke sekula. Kebuah pia, mayuh penanggul deka nyadi.
Siti ari penanggul iya nya nembiak enda tentu belajar. Kebuah pia, pengajar benung ngajar ba mua tang bala nembiak bemain talipaun. Tu ulih ngujungka nembiak enda ulih nerima belajar enggau manah. Pengawa ke baka tu ngujungka nembiak enda mujur dalam sekula. Nyadi semua tu pulaika pengerugi diri.
Kelimpah ari nya, talipaun tu ulih ngujung nembiak bukai mega enda ulih belajar. Talipaun ti bemunyi inggar tu ngachau ari ningaka ajar ari pengajar. Pekara ti diajar pengajar tentu enda nyentukka ngagai bala nembiak. Tu ngerugika bala nembiak. Ketegal talipun binching, nembiak sekula kurang nerima nyentuk isi pelajar.
Kebuah ti bukai nembiak enda ulih mai talipaun binching ke sekula laban mayuh pekara ti enda manah ketegal talipaun binching tu. Bisi sekeda nembiak bekenaka talipaun binching nyimpan gambar ti enda manah lalu nyadung iya ngagai orang bukai. Pengawa tu enda manah dikereja. Ia mega nyadika siti penanggul ba sekula.
Nya alai, amat patut meh perintah nagang nembiak sekula mai talipaun binching ke sekula. Enti amat nembiak deka betalipaun, sida ulih ngena talipaun opis sekula tauka talipaun rama. Pengawa ke nagang nembiak sekula mai talipaun binching ke sekula mayuh amat penguntung iya.
Sunday, September 5, 2010
Karang- Industri Dagang Temuai
Industri dagang temuai siti ari industri ti beguna ngagai menua kitai. Beri penemu nuan senentang kebuah industri dagang temuai tu majak maju.
Langkar karang
1. Pemuka karang (1 paragraf)
- Menua kitai Malaysia endang tebilang ba industri Dagang Temuai
- Pemayuh temuai ti datai ke menua tu majak niki
- Temuai ti datai tu endang ari serap menua di dunya tu.(chunto: temuai amerika, jipun, kanada, Brazil etb)
- Mayuh chara dikena narit ati temuai datai nemuai ngagai menua tu.
- Iya ke bendar, mayuh kebuah alai Malaysia nyadi palan endur nemuai.
2. Isi Karang (3-5 paragraf)
Isi 1- ngembuan mayuh tempat tauka endur narit ati
- Tempat ti narit ati tu endang kebuah temuai datai kia
- Chunto: Cameron Highlands& Genting Highlands-siti palan endur temuai
Kebuah: deka meda pemanah rampa menua ti manah dia
- Kampung jerung ba menua tu palan narit ati temuai (ngembuan mayuh macham jelu&utai tumbuh)
Isi 2- ngembuan gaya hari ti panas sepemanjai taun
- Gaya hari di menua tu amat dikerindu temuai luar baka temuai ari menua orang putih.
- Temuai deka nyembi diri ba pantai di Malaysia (Chunto: pantai damai di Sarawak)
- Pantai ba menua tu pan beresi, sereta bepasir putih
- Ba pantai-mayuh aktiviti bukai-kayak,perau layar etb
Isi 3- mayuh pulau ti manah
- Chunto-pulau Tioman, pulau Sipadan, Pulau Redang
- Pulau tu dijaga enggau manah-bisi semua keresa rama(chunto, rumah diau, letrik, ai etb)
- Tu ngujungka temuai ti datai berasai nyamai ti lebuh nemuai ke pulau.
Isi 4- mayuh adat basa sereta pupu raban bansa di menua tu
- Mayuh temuai ti datai deka meda ulah enggau pendiau rayat di menua tu
- Chunto: Bansa Melayu- tandak inang zapin, cina-tarian naga, Iban-ngajat
- Ari pemakai: Melayu-sate, ketupat, rending, India-roti canai, teh tarik, iban-ayam pansuh
- Penyelai tu ngasuh mayuh temuai deka datai ke menua tu.
3. Penutup ( 1 paragraf)
- Industri dagang temuai siti ari industri ti patut bendar dikemajuka.
- agi mayuh pekara ti ulih diaduka dikena ngemansang ke industri ngambika manah agi
-Nya alai, perintah enggau ajensi ti bukai patut bekerejasam ngemajuka industri tu.
-Malaysia ulih tampak rita sereta tebilang enti pengawa tu diatur enggau manah.
Langkar karang
1. Pemuka karang (1 paragraf)
- Menua kitai Malaysia endang tebilang ba industri Dagang Temuai
- Pemayuh temuai ti datai ke menua tu majak niki
- Temuai ti datai tu endang ari serap menua di dunya tu.(chunto: temuai amerika, jipun, kanada, Brazil etb)
- Mayuh chara dikena narit ati temuai datai nemuai ngagai menua tu.
- Iya ke bendar, mayuh kebuah alai Malaysia nyadi palan endur nemuai.
2. Isi Karang (3-5 paragraf)
Isi 1- ngembuan mayuh tempat tauka endur narit ati
- Tempat ti narit ati tu endang kebuah temuai datai kia
- Chunto: Cameron Highlands& Genting Highlands-siti palan endur temuai
Kebuah: deka meda pemanah rampa menua ti manah dia
- Kampung jerung ba menua tu palan narit ati temuai (ngembuan mayuh macham jelu&utai tumbuh)
Isi 2- ngembuan gaya hari ti panas sepemanjai taun
- Gaya hari di menua tu amat dikerindu temuai luar baka temuai ari menua orang putih.
- Temuai deka nyembi diri ba pantai di Malaysia (Chunto: pantai damai di Sarawak)
- Pantai ba menua tu pan beresi, sereta bepasir putih
- Ba pantai-mayuh aktiviti bukai-kayak,perau layar etb
Isi 3- mayuh pulau ti manah
- Chunto-pulau Tioman, pulau Sipadan, Pulau Redang
- Pulau tu dijaga enggau manah-bisi semua keresa rama(chunto, rumah diau, letrik, ai etb)
- Tu ngujungka temuai ti datai berasai nyamai ti lebuh nemuai ke pulau.
Isi 4- mayuh adat basa sereta pupu raban bansa di menua tu
- Mayuh temuai ti datai deka meda ulah enggau pendiau rayat di menua tu
- Chunto: Bansa Melayu- tandak inang zapin, cina-tarian naga, Iban-ngajat
- Ari pemakai: Melayu-sate, ketupat, rending, India-roti canai, teh tarik, iban-ayam pansuh
- Penyelai tu ngasuh mayuh temuai deka datai ke menua tu.
3. Penutup ( 1 paragraf)
- Industri dagang temuai siti ari industri ti patut bendar dikemajuka.
- agi mayuh pekara ti ulih diaduka dikena ngemansang ke industri ngambika manah agi
-Nya alai, perintah enggau ajensi ti bukai patut bekerejasam ngemajuka industri tu.
-Malaysia ulih tampak rita sereta tebilang enti pengawa tu diatur enggau manah.
Thursday, September 2, 2010
Chara Nulis Karang PMR
CHARA NULIS KARANG
1. Karang ti manah nyengkaum 3 pekara
-isi
-Jaku (Jalai Jaku)
-Pengolahan
2. Tiap karang ti ditulis patut ngundan 3 pekara:
-Pemuka karang
-Isi karang
-Penutup karang
3. Karang ti manah ngundan enda kurang ari 3 isi pugu
4. Nembiak ti ngaga karang patut beratika jalai jaku ti dikena. Susun ayat mesti manah, ngena jaku penambah ti patut, tanda bacha betul enggau sepil mesti nitihka atur sepil ba sekula.
ATUR NULIS KARANG
A. MILIH TOPIK / TANYA
B. NGAGA LANGKAR KARANG
C. NULIS KARANG
D. NGEDIT KARANG
A. Milih topik/tanya karang
1. Ba PMR, nembiak nyaut tanya karang tub a tanya Keretas 2 37/2.
2. Tanya karang tu iya nya ba bagi C. Dalam tanya tu, bisi 4 tanya karang. Nembiak semina dipinta nyaut siti tanya aja.
3. Bacha ke semua tanya nya enggau silik sebedau milih tanya ti deka disaut. Tu ngambika enda salah saut
4. Peratika pugu topik.
5. Pilih saut ti ditemu lalu ulih digaga enggau manah.
6. Ari nya tadi, karang ti digaga nuan enda mudah tepawah.
7. Pia mega, karang ti digaga nuan deka manah laban nuan udah chukup meretika tanya nya
8. Anang milih tanya ti mar disaut. Kebuah pia, mark diberi sama ngagai semua tanya nya. Ukai ari pengemar tau mudah ngaga tanya karang.
9. Peratika mega tanya karang ti digaga nuan nya beformat tauka enda.
10. Nembiak ti nyaut tanya karang tu patut bisi ngembuan penemu diri sereta mayuh pengelandik ngaga karang.
B. Ngaga langkar Karang
1. Nembiak patut nulis langkar karang dulu sebedau nulis karang penuh udah nya.
2. Langkar karang nya patut disusun
3. Kebuah langkar karang digaga
- Ngambika semua isi karang enda tetinggal lebuh nulis karang
- Ulih nusun isi karang
- Ngambika isi ti dipilih enda tepawah ari pekara ti ditanya/dikedeka
- Ngambika isi ditulis enda beulang-ulang
- Ngambika isi pugu digaga ulih dipejuraika enggau manah, tesusun lalu disereta enggau chunto
4. Tiga bagi dalam siti-siti karang
• Pemuka karang
• Isi karang
• Penutup karang
5. Pengudah ngaga langkar, nembiak patut belabuh ngaga karang.
C. Nulis karang
1. Nuan patut ngembuan penemu ti dalam sereta bisi pengelandik dalam jaku ngambika ulih ngaga karang ti manah.
2. Karang ti manah bisi 3 bagi ti nyadika tubuh karang
• Pemuka karang (pala)
• Isi karang (tubuh)
• Penutup karang (kaki)
*enti siti ari bagi tubuh karang tu nadai, karang ti ditulis nuan nya bisi penimpang
3. Stail Tulis
- Mesti terang
- Mudah dibacha
- Tulis beresi(nadai mayuh utai ti dikinsil)
• Enda patut dikereja
*tulis enda ulih dibacha
*ngena tulis bebungai-bungai(gaya kerichau)
- Pengelebih ngena tulis ti terang
*narit ati pemeresa/pemacha
*nyamai macha
-ngena pen ti terang
4. Jalai nulis karang
i. Pemuka karang
- nerangka pasal topik
- tulis ba siti paragraf
- digaga dikena ngepunka siti-siti karang
ii. Isi karang
- Ditulis dalam 3-5 paragraf
- Tiap-tiap siti isi ditulis dalam siti paragraf
- Enti ulih, tiap-tiap paragraf isi lebih kurang sama pemanjai
iii.Penutup karang
- Ditulis nyadika penudi paragraf karang
- Ditulis dalam siti paragraf
- Dikena ngujungka tauka nutup karang
D. Ngedit/Nyeruri karang
- Nembiak mesti nyeruri karang sebedau timpuh/awak ti diberi tembu.
- Tuju ngedit karang:
*ngemetulka penyalah sepil, struktur ayat, jalai jaku, isi karang ti tetinggal etb.
- enti penyilap tu enda diseruri, dia mark karang tentu mega deka kurang.
1. Karang ti manah nyengkaum 3 pekara
-isi
-Jaku (Jalai Jaku)
-Pengolahan
2. Tiap karang ti ditulis patut ngundan 3 pekara:
-Pemuka karang
-Isi karang
-Penutup karang
3. Karang ti manah ngundan enda kurang ari 3 isi pugu
4. Nembiak ti ngaga karang patut beratika jalai jaku ti dikena. Susun ayat mesti manah, ngena jaku penambah ti patut, tanda bacha betul enggau sepil mesti nitihka atur sepil ba sekula.
ATUR NULIS KARANG
A. MILIH TOPIK / TANYA
B. NGAGA LANGKAR KARANG
C. NULIS KARANG
D. NGEDIT KARANG
A. Milih topik/tanya karang
1. Ba PMR, nembiak nyaut tanya karang tub a tanya Keretas 2 37/2.
2. Tanya karang tu iya nya ba bagi C. Dalam tanya tu, bisi 4 tanya karang. Nembiak semina dipinta nyaut siti tanya aja.
3. Bacha ke semua tanya nya enggau silik sebedau milih tanya ti deka disaut. Tu ngambika enda salah saut
4. Peratika pugu topik.
5. Pilih saut ti ditemu lalu ulih digaga enggau manah.
6. Ari nya tadi, karang ti digaga nuan enda mudah tepawah.
7. Pia mega, karang ti digaga nuan deka manah laban nuan udah chukup meretika tanya nya
8. Anang milih tanya ti mar disaut. Kebuah pia, mark diberi sama ngagai semua tanya nya. Ukai ari pengemar tau mudah ngaga tanya karang.
9. Peratika mega tanya karang ti digaga nuan nya beformat tauka enda.
10. Nembiak ti nyaut tanya karang tu patut bisi ngembuan penemu diri sereta mayuh pengelandik ngaga karang.
B. Ngaga langkar Karang
1. Nembiak patut nulis langkar karang dulu sebedau nulis karang penuh udah nya.
2. Langkar karang nya patut disusun
3. Kebuah langkar karang digaga
- Ngambika semua isi karang enda tetinggal lebuh nulis karang
- Ulih nusun isi karang
- Ngambika isi ti dipilih enda tepawah ari pekara ti ditanya/dikedeka
- Ngambika isi ditulis enda beulang-ulang
- Ngambika isi pugu digaga ulih dipejuraika enggau manah, tesusun lalu disereta enggau chunto
4. Tiga bagi dalam siti-siti karang
• Pemuka karang
• Isi karang
• Penutup karang
5. Pengudah ngaga langkar, nembiak patut belabuh ngaga karang.
C. Nulis karang
1. Nuan patut ngembuan penemu ti dalam sereta bisi pengelandik dalam jaku ngambika ulih ngaga karang ti manah.
2. Karang ti manah bisi 3 bagi ti nyadika tubuh karang
• Pemuka karang (pala)
• Isi karang (tubuh)
• Penutup karang (kaki)
*enti siti ari bagi tubuh karang tu nadai, karang ti ditulis nuan nya bisi penimpang
3. Stail Tulis
- Mesti terang
- Mudah dibacha
- Tulis beresi(nadai mayuh utai ti dikinsil)
• Enda patut dikereja
*tulis enda ulih dibacha
*ngena tulis bebungai-bungai(gaya kerichau)
- Pengelebih ngena tulis ti terang
*narit ati pemeresa/pemacha
*nyamai macha
-ngena pen ti terang
4. Jalai nulis karang
i. Pemuka karang
- nerangka pasal topik
- tulis ba siti paragraf
- digaga dikena ngepunka siti-siti karang
ii. Isi karang
- Ditulis dalam 3-5 paragraf
- Tiap-tiap siti isi ditulis dalam siti paragraf
- Enti ulih, tiap-tiap paragraf isi lebih kurang sama pemanjai
iii.Penutup karang
- Ditulis nyadika penudi paragraf karang
- Ditulis dalam siti paragraf
- Dikena ngujungka tauka nutup karang
D. Ngedit/Nyeruri karang
- Nembiak mesti nyeruri karang sebedau timpuh/awak ti diberi tembu.
- Tuju ngedit karang:
*ngemetulka penyalah sepil, struktur ayat, jalai jaku, isi karang ti tetinggal etb.
- enti penyilap tu enda diseruri, dia mark karang tentu mega deka kurang.
Wednesday, September 1, 2010
Karang Ripot
Karang Ripot
Nuan udah dipadu nyadi seketari Kelab Jaku Iban. Nuan dipinta nulis siti ripot pasal Pekit Becherita ti diaturka kelab nya. Tulis ripot nuan nya.
Ripot Pasal Pekit becherita Dalam Jaku Iban
Kena 26 Ogos 2010, Kelab Jaku Iban SMK Medamit, Limbang udah ngatur pekit becherita dalam jaku iban beserimbai enggau Pengerami Minggu jaku Iban. Nyadi pekit tu diatur kena ngansak sereta nelebaka nembiak ngambika nemu nusui cherita dalam jaku iban.
Sebedau pekit tu diatur, dia bala nembiak ti nyereta pekit tu diberi awak dulu. Nyadi tu digaga ngambika sida ulih ngatur diri sebedau becherita. Sida diberi peluang ngingat dulu cherita sida tu. Timpuh ke diberi semina dua minggu aja.
Bala nembiak ti nyereta pekit tu semina sida ari pom satu aja. Ba maya pekit tu dipenyadika, dia bisi 17 iku nembiak ti ngambi bagi. Pekit tu dikira mujur laban lebih ari 15 iku ti enggau orang becherita. Sida ti ngambi bagi ba pekit tu iya nya 10 iku indu sereta 7 laki.
Lebuh pekit tu diatur, tiga iku pengajar ti nyadi hakim. Sida tu iya nya Pengajar Jimbun, Pengajar Lenya enggau Pengajar Kayum. Sida ti becherita tu dipeda ari pengelandik becherita, ngelakun diri sereta ngena palan becherita enggau manah.
Pekit tu diatur belabuh jam 2.30 lemai. Pekit tu tembu pukul 5.00 lemai. Sida ti bulih lumur iya Jantai Lambung bulih lumur satu, Inyang Ruta bulih lumur dua enggau James Chuat bulih lumur tiga. Perais lalu diberi ba pengujung program nya.
Pekit tu udah diatur enggau manah. Ba taun ti deka datai, pekit tu deka mega diatur ngagai sida ari pom satu ngagai pom lima. Ngarapka pemujur pekit tu ulih mega mujur diatur taun baru.
Disediaka:
Gima
(GIMA ANAK JABAI)
Seketari
Kelab Jaku Iban
Nuan udah dipadu nyadi seketari Kelab Jaku Iban. Nuan dipinta nulis siti ripot pasal Pekit Becherita ti diaturka kelab nya. Tulis ripot nuan nya.
Ripot Pasal Pekit becherita Dalam Jaku Iban
Kena 26 Ogos 2010, Kelab Jaku Iban SMK Medamit, Limbang udah ngatur pekit becherita dalam jaku iban beserimbai enggau Pengerami Minggu jaku Iban. Nyadi pekit tu diatur kena ngansak sereta nelebaka nembiak ngambika nemu nusui cherita dalam jaku iban.
Sebedau pekit tu diatur, dia bala nembiak ti nyereta pekit tu diberi awak dulu. Nyadi tu digaga ngambika sida ulih ngatur diri sebedau becherita. Sida diberi peluang ngingat dulu cherita sida tu. Timpuh ke diberi semina dua minggu aja.
Bala nembiak ti nyereta pekit tu semina sida ari pom satu aja. Ba maya pekit tu dipenyadika, dia bisi 17 iku nembiak ti ngambi bagi. Pekit tu dikira mujur laban lebih ari 15 iku ti enggau orang becherita. Sida ti ngambi bagi ba pekit tu iya nya 10 iku indu sereta 7 laki.
Lebuh pekit tu diatur, tiga iku pengajar ti nyadi hakim. Sida tu iya nya Pengajar Jimbun, Pengajar Lenya enggau Pengajar Kayum. Sida ti becherita tu dipeda ari pengelandik becherita, ngelakun diri sereta ngena palan becherita enggau manah.
Pekit tu diatur belabuh jam 2.30 lemai. Pekit tu tembu pukul 5.00 lemai. Sida ti bulih lumur iya Jantai Lambung bulih lumur satu, Inyang Ruta bulih lumur dua enggau James Chuat bulih lumur tiga. Perais lalu diberi ba pengujung program nya.
Pekit tu udah diatur enggau manah. Ba taun ti deka datai, pekit tu deka mega diatur ngagai sida ari pom satu ngagai pom lima. Ngarapka pemujur pekit tu ulih mega mujur diatur taun baru.
Disediaka:
Gima
(GIMA ANAK JABAI)
Seketari
Kelab Jaku Iban
Chunto Ngaga Langkar Karang PMR
Karang
Tulis karang pasal pemanah kitai nyambut siti-siti pengerami enggau chara begulai.
Langkar Karang
1. Pemuka karang ( 1 paragraf)
- Menua kitai Malaysia mayuh bendar diwan pupu raban bansa
- Mayuh pengerami disambut (beri chunto: Taun Baru Cina, Hari Raya, etb)
- Mayuh macham enggau leman pengerami meri pemanah ngagai rayat di menua tu.
2. Isi Karang (3-5 paragraf)
Isi 1-ngerapatka kaul antara mayuh pupu raban bansa
-konsep rumah tebuka?
-ngemandangka semua bansa ulih begulai sejalai lebuh ti ngelawa bansa bukai ti ngatur
pengerami
-suah ari begelumu enggau pangan diri, ulih ngerapatka kaul enggau manah agi
Isi 2- ngemansangka ekonomi ba menua tu
-bisi pengerami,bisi bebelika utai (beri chunto: pekayan, rengka dapur, etb)
-bansa bukai pan sama bebelika barang taja pan enda ngerami pengerami nya
-penatai pemisi bala orang ti bedagang enda putus-seruran bisi
Laban, menua tu mayuh pengerami sepemanjai taun.
Isi 3- meri teladan ti manah ngagai nembiak rebak baru
-ngambika pengawa begusung maya pengerami diteruska sida ti biak
- pemanah begulai enggau bansa bukai dikemeranka lalu ditunda sida ti biak lalu enda punas
-ngurangka niat ati ti enda manah, ngemechahka pemanah idup begulai
-nembiak ulih belajar adat basa bansa bukai lalu ulih nitihka adat basa nya
3. Penutup Karang ( 1 paragraf)
- Pengerami ti mayuh di menua kitai tu ukai siti penanggul tang nya siti ari pengering begulai sejalai bansa.
- Pengerami tu meh ulih endur ngerapatka kaul sama diri.
- Muai ati rawan ngagai bansa bukai
- Enti pengawa ti dikemeranka lalu digaga, ulih nyadika pemansang enggau pengelikun di menua ti deka manah semanah agi.
Tulis karang pasal pemanah kitai nyambut siti-siti pengerami enggau chara begulai.
Langkar Karang
1. Pemuka karang ( 1 paragraf)
- Menua kitai Malaysia mayuh bendar diwan pupu raban bansa
- Mayuh pengerami disambut (beri chunto: Taun Baru Cina, Hari Raya, etb)
- Mayuh macham enggau leman pengerami meri pemanah ngagai rayat di menua tu.
2. Isi Karang (3-5 paragraf)
Isi 1-ngerapatka kaul antara mayuh pupu raban bansa
-konsep rumah tebuka?
-ngemandangka semua bansa ulih begulai sejalai lebuh ti ngelawa bansa bukai ti ngatur
pengerami
-suah ari begelumu enggau pangan diri, ulih ngerapatka kaul enggau manah agi
Isi 2- ngemansangka ekonomi ba menua tu
-bisi pengerami,bisi bebelika utai (beri chunto: pekayan, rengka dapur, etb)
-bansa bukai pan sama bebelika barang taja pan enda ngerami pengerami nya
-penatai pemisi bala orang ti bedagang enda putus-seruran bisi
Laban, menua tu mayuh pengerami sepemanjai taun.
Isi 3- meri teladan ti manah ngagai nembiak rebak baru
-ngambika pengawa begusung maya pengerami diteruska sida ti biak
- pemanah begulai enggau bansa bukai dikemeranka lalu ditunda sida ti biak lalu enda punas
-ngurangka niat ati ti enda manah, ngemechahka pemanah idup begulai
-nembiak ulih belajar adat basa bansa bukai lalu ulih nitihka adat basa nya
3. Penutup Karang ( 1 paragraf)
- Pengerami ti mayuh di menua kitai tu ukai siti penanggul tang nya siti ari pengering begulai sejalai bansa.
- Pengerami tu meh ulih endur ngerapatka kaul sama diri.
- Muai ati rawan ngagai bansa bukai
- Enti pengawa ti dikemeranka lalu digaga, ulih nyadika pemansang enggau pengelikun di menua ti deka manah semanah agi.
Subscribe to:
Posts (Atom)