Thursday, April 22, 2010

Chunto Latih Karang

Karang
Nuan nyadi seketari Kelab Geografi ba sekula. Nuan dipinta nulis surat ngagai menijar Kilang Sawit. Tulis surat minta pemendar ngaga penemuai sambil belajar nya.
Langkar karang
1. Pemuka Jaku
-Address pengirum, address penerima, hari bulan surat
-Jaku tabi
-Topik surat

2. Isi karang
i. Madahka kelab deka ngatur penemuai sambil belajar
ii. Madahka pemayuh nembiak ti enggau nemuai
iii. Tuju penemuai nya
iv. Minta pegawai kilang nya meri penerang ngagai bala ti nemuai nya
v. Ngarapka bulih pemendar nemuai

3. Penutup
-sain pengirum,
-nama pengirum, pangkat gawa pengirum



Chunto karang.

Kelab Geografi,
SMK Medamit,
P. O Box 341,
98700 Limbang

Menijar Besai,
Kilang Sawit Limbang Sdn Bhd,
98700 Limbang,
Sarawak. 16 APRIL 2010

Tuan,

Nemuai Sambil Belajar Ngagai Kilang Sawit Limbang
Enggau tabi basa, aku madahka Kelab Geografi deka ngatur program nemuai sambil belajar ngagai Kilang Sawit Limbang.

2. Raban penemuai tu iya nya bisi 35 iku. Tambah ke nya bisi 3 iku pengajar penyanding sama bisi enggau maya penemuai tu ila. Penemuai tu ditaga kena 29 April, 2010. Maya tu serimbai enggau peremisi sekula. Nyadi raban penemuai tu deka datai urung pukul 10 pagi. Kami deka mupuk ari sekula pukul 9 pagi ngena sebuah bas.

3. Penemuai tu digaga laban endang siti ari program ninting taun kelab tu. Kami ngarapka penemuai tu ila ulih meri penemu sereta peneleba ngagai bala nembiak. Bala nembiak deka nemu chara meroses sawit nyadi minyak sawit. Enggau chara tu ulih nambahka penemu sereta pengelandik nembiak ba chara meroses sawit.

4. Enggau tu mega, kami minta siku pegawai ti ulih meri penerang lebuh maya nemuai tu ila. Nya ngambika ulih endur kami betanya lalu meri penerang sepemanjai kami ti nemuai tu ilah

5. Aku ngarika kami semua ngarap penemuai tu bulih pemendar ari tuan. Enggau tabi basa ti tinggi minta tuan nimbang sereta ngemendarka penemuai kami tu.

Nya aja, terima kasih

Aku ti bendar,

…………………………………
(Jamping ak Latan)
Sekretari
Kelab Geografi
SMK Medamit, Limbang