Chara Nulis Karang PMR

CHARA NULIS KARANG
1. Karang ti manah nyengkaum 3 pekara
-isi
-Jaku (Jalai Jaku)
-Pengolahan

2. Tiap karang ti ditulis patut ngundan 3 pekara:
-Pemuka karang
-Isi karang
-Penutup karang

3. Karang ti manah ngundan enda kurang ari 3 isi pugu

4. Nembiak ti ngaga karang patut beratika jalai jaku ti dikena. Susun ayat mesti manah, ngena jaku penambah ti patut, tanda bacha betul enggau sepil mesti nitihka atur sepil ba sekula.

ATUR NULIS KARANG
A. MILIH TOPIK / TANYA
B. NGAGA LANGKAR KARANG
C. NULIS KARANG
D. NGEDIT KARANG

A. Milih topik/tanya karang
1. Ba PMR, nembiak nyaut tanya karang tub a tanya Keretas 2 37/2.
2. Tanya karang tu iya nya ba bagi C. Dalam tanya tu, bisi 4 tanya karang. Nembiak semina dipinta nyaut siti tanya aja.
3. Bacha ke semua tanya nya enggau silik sebedau milih tanya ti deka disaut. Tu ngambika enda salah saut
4. Peratika pugu topik.
5. Pilih saut ti ditemu lalu ulih digaga enggau manah.
6. Ari nya tadi, karang ti digaga nuan enda mudah tepawah.
7. Pia mega, karang ti digaga nuan deka manah laban nuan udah chukup meretika tanya nya
8. Anang milih tanya ti mar disaut. Kebuah pia, mark diberi sama ngagai semua tanya nya. Ukai ari pengemar tau mudah ngaga tanya karang.
9. Peratika mega tanya karang ti digaga nuan nya beformat tauka enda.
10. Nembiak ti nyaut tanya karang tu patut bisi ngembuan penemu diri sereta mayuh pengelandik ngaga karang.

B. Ngaga langkar Karang
1. Nembiak patut nulis langkar karang dulu sebedau nulis karang penuh udah nya.
2. Langkar karang nya patut disusun
3. Kebuah langkar karang digaga
- Ngambika semua isi karang enda tetinggal lebuh nulis karang
- Ulih nusun isi karang
- Ngambika isi ti dipilih enda tepawah ari pekara ti ditanya/dikedeka
- Ngambika isi ditulis enda beulang-ulang
- Ngambika isi pugu digaga ulih dipejuraika enggau manah, tesusun lalu disereta enggau chunto
4. Tiga bagi dalam siti-siti karang
• Pemuka karang
• Isi karang
• Penutup karang
5. Pengudah ngaga langkar, nembiak patut belabuh ngaga karang.

C. Nulis karang
1. Nuan patut ngembuan penemu ti dalam sereta bisi pengelandik dalam jaku ngambika ulih ngaga karang ti manah.
2. Karang ti manah bisi 3 bagi ti nyadika tubuh karang
• Pemuka karang (pala)
• Isi karang (tubuh)
• Penutup karang (kaki)
*enti siti ari bagi tubuh karang tu nadai, karang ti ditulis nuan nya bisi penimpang

3. Stail Tulis
- Mesti terang
- Mudah dibacha
- Tulis beresi(nadai mayuh utai ti dikinsil)
• Enda patut dikereja
*tulis enda ulih dibacha
*ngena tulis bebungai-bungai(gaya kerichau)
- Pengelebih ngena tulis ti terang
*narit ati pemeresa/pemacha
*nyamai macha
-ngena pen ti terang
4. Jalai nulis karang
i. Pemuka karang
- nerangka pasal topik
- tulis ba siti paragraf
- digaga dikena ngepunka siti-siti karang

ii. Isi karang
- Ditulis dalam 3-5 paragraf
- Tiap-tiap siti isi ditulis dalam siti paragraf
- Enti ulih, tiap-tiap paragraf isi lebih kurang sama pemanjai

iii.Penutup karang
- Ditulis nyadika penudi paragraf karang
- Ditulis dalam siti paragraf
- Dikena ngujungka tauka nutup karang


D. Ngedit/Nyeruri karang
- Nembiak mesti nyeruri karang sebedau timpuh/awak ti diberi tembu.
- Tuju ngedit karang:
*ngemetulka penyalah sepil, struktur ayat, jalai jaku, isi karang ti tetinggal etb.
- enti penyilap tu enda diseruri, dia mark karang tentu mega deka kurang.

Karang Ripot

Karang Ripot
Nuan udah dipadu nyadi seketari Kelab Jaku Iban. Nuan dipinta nulis siti ripot pasal Pekit Becherita ti diaturka kelab nya. Tulis ripot nuan nya.

Ripot Pasal Pekit becherita Dalam Jaku Iban
                       Kena 26 Ogos 2010, Kelab Jaku Iban SMK Medamit, Limbang udah ngatur pekit becherita dalam jaku iban beserimbai enggau Pengerami Minggu jaku Iban. Nyadi pekit tu diatur kena ngansak sereta nelebaka nembiak ngambika nemu nusui cherita dalam jaku iban.
                   Sebedau pekit tu diatur, dia bala nembiak ti nyereta pekit tu diberi awak dulu. Nyadi tu digaga ngambika sida ulih ngatur diri sebedau becherita. Sida diberi peluang ngingat dulu cherita sida tu. Timpuh ke diberi semina dua minggu aja.
                Bala nembiak ti nyereta pekit tu semina sida ari pom satu aja. Ba maya pekit tu dipenyadika, dia bisi 17 iku nembiak ti ngambi bagi. Pekit tu dikira mujur laban lebih ari 15 iku ti enggau orang becherita. Sida ti ngambi bagi ba pekit tu iya nya 10 iku indu sereta 7 laki.
              Lebuh pekit tu diatur, tiga iku pengajar ti nyadi hakim. Sida tu iya nya Pengajar Jimbun, Pengajar Lenya enggau Pengajar Kayum. Sida ti becherita tu dipeda ari pengelandik becherita, ngelakun diri sereta ngena palan becherita enggau manah.
             Pekit tu diatur belabuh jam 2.30 lemai. Pekit tu tembu pukul 5.00 lemai. Sida ti bulih lumur iya Jantai Lambung bulih lumur satu, Inyang Ruta bulih lumur dua enggau James Chuat bulih lumur tiga. Perais lalu diberi ba pengujung program nya.
            Pekit tu udah diatur enggau manah. Ba taun ti deka datai, pekit tu deka mega diatur ngagai sida ari pom satu ngagai pom lima. Ngarapka pemujur pekit tu ulih mega mujur diatur taun baru.

Disediaka:
Gima
(GIMA ANAK JABAI)
Seketari
Kelab Jaku Iban

Chunto Ngaga Langkar Karang PMR

Karang
Tulis karang pasal pemanah kitai nyambut siti-siti pengerami enggau chara begulai.
Langkar Karang
1. Pemuka karang ( 1 paragraf)
- Menua kitai Malaysia mayuh bendar diwan pupu raban bansa
- Mayuh pengerami disambut (beri chunto: Taun Baru Cina, Hari Raya, etb)
- Mayuh macham enggau leman pengerami meri pemanah ngagai rayat di menua tu.

2. Isi Karang (3-5 paragraf)
Isi 1-ngerapatka kaul antara mayuh pupu raban bansa
-konsep rumah tebuka?
-ngemandangka semua bansa ulih begulai sejalai lebuh ti ngelawa bansa bukai ti ngatur
pengerami
-suah ari begelumu enggau pangan diri, ulih ngerapatka kaul enggau manah agi

Isi 2- ngemansangka ekonomi ba menua tu
-bisi pengerami,bisi bebelika utai (beri chunto: pekayan, rengka dapur, etb)
-bansa bukai pan sama bebelika barang taja pan enda ngerami pengerami nya
-penatai pemisi bala orang ti bedagang enda putus-seruran bisi
Laban, menua tu mayuh pengerami sepemanjai taun.

Isi 3- meri teladan ti manah ngagai nembiak rebak baru
-ngambika pengawa begusung maya pengerami diteruska sida ti biak
- pemanah begulai enggau bansa bukai dikemeranka lalu ditunda sida ti biak lalu enda punas
-ngurangka niat ati ti enda manah, ngemechahka pemanah idup begulai
-nembiak ulih belajar adat basa bansa bukai lalu ulih nitihka adat basa nya

3. Penutup Karang ( 1 paragraf)
- Pengerami ti mayuh di menua kitai tu ukai siti penanggul tang nya siti ari pengering begulai sejalai bansa.
- Pengerami tu meh ulih endur ngerapatka kaul sama diri.
- Muai ati rawan ngagai bansa bukai
- Enti pengawa ti dikemeranka lalu digaga, ulih nyadika pemansang enggau pengelikun di menua ti deka manah semanah agi.

Karang PMR

Bas ti ari kereban pengangkut perintah ti amat beguna di menua kitai. Tang, mayuh penanggul ti nyadi ketegal kereban pengangkut tu. Terang pengurang enggau pengelemi kereban pengangkut tu.

           Diatu, mensia beguna kereban pengangkut dikena mindah kin kia. Ari ti bisi kereban pengangkut, dia nyamai endur kitai mindah. Siti ari kereban pengangkut ti suah dikena iya nya bas. Bas tu amat beguna ba mensia mayuh. Ambika ke banding, nembiak ke sekula ngena bas. Orang tuai besai bekenaka bas laban nurun ke tempat kereja. Pia mega bisi bekenaka bas laban deka nurun ke pasar. Taja pia, mayuh penanggul ti suah didinga pasal ti ngena bas tu. Penanggul tu nyadi ukai diatu tang lama udah didinga kitai.

         Siti ari penanggul ti suah amat nyadi iya nya tambang ti majak niki. Ari RM3 lalu nyadi RM5. Enti rega tambang tu ditikika, mayuh orang ti kurang penatai pemisi enda ulih nampi. Tu ngujungka sida tu kurang bekenaka bas agi. Nya alai, pekara ti baka tu meri peluang bekenaka kereban pengangkut bukai baka van sapu. Tu tau meri pengerugi ngagai bas nya empu. Enti mayuh orang enda ngena bas tu ngujungka kompeni bas tu tau rugi. Kebuah pia, nadai orang nepan bas.

         Kelimpah ari nya, bas tu mega majak enda ngemeranka pengawa ti teatur. Mensia mayuh suah serebanaka pasal bas ti laun lalu enda nitih jam.Kes bas laun suah bendar nyadi. Ari ti jam penatai bas tu enda tentu, iya meri penanggul ngagai pengguna bas ngatur pejalai sida kin kitu. Pengguna ti bekenaka bas tu deka laun datai ba endur kereja ketegal bas laun datai.

         Siti agi penanggul ti nyadi mega iya nya deriba bas ti enda bedisiplin. Tu tau bendar ngujungka kes belantak nyadi ba jalai alun. Nyadi ulah deriba ti enda manah tu meri imej ti enda patut ngagai kereban pengangkut perintah. Taja pan iya ukai digaga semua deriba tang ulih ngamahka nama semua ti nyadi deriba bas. Tu ngujungka mensia mayuh nangi lebuh bekenaka bas. Sapa-sapa pan enggai meh mati tumu.

        Nya alai, enti semua penanggul ti ulih diputar dia orang ti ngena bas deka majak mayuh. Ari tu tadi semua kitai deka bulih untung. Tang, enti penanggul tu enda diputuar iya tau nyadi pengelemi bas nya empu. Perintah besai patut berundingka chara ti patut dikenaka mutarka penanggul nya. Ngarapka udah tu nadai agi orang serebana penusah lebuh bekenaka bas.

Pengenap Tesa

KUIZ BAHASA IBAN (BERTULIS)
Pengenap Tesa
1. Nama pengenap tesa ti patut dikena nesa bebendai?
A. Lungkit
B. Enteli
C. Daun
D. Lebuan

2. Pengenap tesa ‘gulung’ ulih dikena ba…
A. Tanah
B. Senapang
C. Dagin
D. Tali

3. Bala nembiak udah disuruh ulih pengajar ngumpul ________ keretas ti ngachir ba kandang sekula.
A. chebik
B. titik
C. buku
D. bilah

4. Nama pengenap tesa dikena nyebut penyuah undan daun chapan lebuh nampi?
A. Empian
B. Enteran
C. Engkilung
D. Engkilang

5. Leka jaku ke besangkut paut enggau jala, pukat, rawai (utai ti bisi tating/ kukun di baruh?
A. Raup
B. Rawan
C. Panchang
D. Perugan


6. Dikena nyebut penyuah ngereja pengawa?
A. Iti
B. Kipi
C. Kali
D. Bila

7. Nama pengenap tesa dikena nesa pengelama ngereja pengawa sebengkah-sebengkah?
A. Bul
B. Buah
C. Dendan
D. Lintin

8. Leka jaku ti besangkut paut enggau jaku, igi utai ditanam, garam, ujan iya nya…
A. Limpir
B. Lubang
C. Leka
D. Luntang

9. Ini Andan makai dua ________ pinang tiap-tiap kali udah badu makai?
A. Teguk
B. Utas
C. Sirap
D. Papan

10. Ibu Umang beduit bendar diatu laban tiap-tiap hari iya ulih nyual lima puluh ______ ensabi Dayak di Makit orang bumai.
A. Iku
B. Ikat
C. Igi
D. lumpung

KES BEBADI DI JALAI ALUN(CHUNTO KARANG)

              Nyau deka tiap-tiap hari kitai suah berita pasal kes bebadi ba jalai alun. Kes bebadi tu majak nyadi sehari ke sehari. Penusah tu mayuh nabanka nyawa. Pia mega iya pulaika pengerugi ngagai orang ti kena tinggang penusah tu.

             Kes bebadi ba jalai alun tu nyadi laban mayuh ketegal iya. Siti ari ketegal kes tu nyadi iya nya orang ti bekenaka jalai alun nya empu. Siti ari iya nya deriba suah bendar ngelanggar atur jalai alun. Sida ke deriba tu enda nitihka lampu trafik. Ambi ke chunto, lebuh maya lampu mirah, sida ke enda mereti enda irauka lampu nya. Tu tau ngujungka kerita tau belantak. Perangai enggau ulah deriba ti enda manah balat bendar tau ngujungka penusah bebadi. Bisi mega deriba mai kerita kelalu laju. Enti mai kerita kelalu laju ba tempat ti enda sepatut iya mega ngujungka penusah tau nyadi. Bisi sekeda orang ke nadai lessen berani mai kerita ensepi diri udah nemu mimit masang kerita. Orang nadai peneleba baka tu mudah amat deka bulih penusah.

            Kelimpah ari nya, ulah deriba ti enda ngirauka orang bukai mega ngasuh penusah ba jalai alun tu tau nyadi. Siti ari jaku tangkan ti enda dikirauka bala deriba iya nya betalipaun maya mai kerita tauka kereban pengangkut ti bukai ba jalai alun. Kebuah pia, enti lebuh betalipaun maya mai kerita dia deriba nya kurang beratika diri ke mai kerita. Nya alai, mayuh amat penyilap tau nyadi maya tu. Bisi sekeda bala deriba kempang ati ngelih kerita bukai di sengapa endur. Perangai ti baka tu mega tau bendar ngujungka penusah ba jalai alun. Nambahka nya, bisi mega orang enda beduli lalu nyangkaika kerita sida di sebarang endur. Tu ulih mega ngujungka penusah bebadi di jalai alun tau nyadi.
           
              Ukai semua kes bebadi ba jalai alun nya nyadi ketegal ari pengguna jalai alun aja. Siti ari kebuah ke bukai iya nya penyai jalai. Kemaya hari tu pemayuh mensia ti ngena kerita nyau betambah tang penyampat enggau pengawa beserurika jalai ke jai lubah bendar dikereja. Mayuh agi jalai alun ti udah digaga lalu dilakka pia aja. Nadai kereja seruri diaduka. Sekeda ari penyai jalai alun ti tau ngujungka bebadi nya baka, jalai belubang, sempit, bingkuk, lichin, bebatu kasar enggau ti bukai. Sida ke mai motosikal amat tusah lebuh nengah jalai ti belubang. Semua pekara nya tadi balat bendar tau ngujungka deriba mar bendar bejalaika kerita sida.

               Kelimpah ari nya, orang ti bekenaka kerita ti enda menyana mega tau ngujungka penusah. Ambi ke banding, bisi orang kempang ati bekenaka kerita ti tayar nadai bungai, lampu penanda udah jai, brek kerita udah jai enggau ti bukai.
           
              Penusah bebadi di jalai alun tu penanggul digaga mensia empu. Penanggul ti baka tu patut ulih diseliah enti semua orang ke mai kerita di jalai alun ngasika undang-undang jalai alun.

Latih Kertas 1 Tanya Bahasa Iban PMR

1. Apai Migat diatu benung ___________ orang nyereta kus pasal chara nupi ikan keli.
A. sama B. tang C. enggau D. lalu

2. Mija Gani udah _______ ngena chura mirah terang
A. chat B. dichat C. techat D. ngechat

3. Kitai patut bebasa _______ malas budi apai indai.
A. tang B. sereta C. lalu D. nya

4. Nana berasai ngantuk laban _________ chukup tinduk demalam
A. jelan B. nyampau C. apas D. enda

5. Lebuh ti bemain bol, dia Ajol tesipakka batu lalu kening iya mensul laban ________ ba tiang gol.
A. dikena B. ngempit C. tepantup D. tetegu

6. Sida Julong sekelas deka bekereja ______ pukul empat lemai ngagai pukul lima lemai kena Hari Lima.
A. antara B. lebuh C. semina D. lalu

7. Nembiak sekula patut nemu _______ penerit atur sekula.
A. laban B. pasal C. nya D. ti

8. Manuk ba kandang nya nyau _________ laban sakit
A. ragak B. regas C. runggu D. inggar

9. Batang Rajang nya sungai ti _______ panjai di menua Sarawak.
A. balat B. pemadu C. raya D. udu

10. Orang enggai begulai enggau kitai _____ perangai kitai enda manah.
A. enti B. sambil C. lalu D. awakka

11. Pengajar Simun ngasuh aku mai sebatang tungkat enggau dua_________ machis dikena pagila.
A. limpir B. kerubung C. lungkit D. puchuk

12. Untung _______ kitai enti selalu deka macha laban ulih nambahka penemu diri.
A. ti B. ke C. meh D. nya

13. Kedai Emas Tauke Lee Chuan ______ Pasar Baru Limbang udah kena rumpak demalam.
A. di B. ba C. ke D. dalam

14. Jalai ke menua aki Satim balat bendar belubang _________ suah ditengah lori ngangkut batu.
A. nya alai B. taja pan C. laban D.kelebih

15. Aya Jembu: ________ kebun rian aki nuan,Jang?
Janting : Enda jauh ari rumah panjai, kira sepenikau ari kebun tuai rumah.
A. Dini B. Nama C. Ba D. Sapa

16. Pekit main futsal ______ diatur kena minggu dudi tu ila.
A. udah B. deka C. apin D. bedau

17. Kasut ti dibeli apai iya _________ mirah enggau putih.
A. chura B. bechura C. chura-chura D. bechura-chura

18. Indai Among seduai Indai Renya benung mansai ikan __________ sungai Kara.
A. di B. ba C. dalam D. nya

19. Pengerami melah pinang di rumah Jamping deka digaga ____________ enggau pengerami gawai.
A. berimbai B. imbai C. serimbai D. diimbai

20. Bala temuai ti datai nya tadi ______________ sida aya Ungkir.
A. kaban-kaban B. kaban-belayan C. sekaban-kaban D. kaban-sekaban

21. Umang enggau Ijah meli tiga ______ baju baru kena maya gawai ti deka nyadi tu ila.
A. lambar B. buah C. pasang D. gulung

22. Pemajik indu dara nya __________ pemajik Kumang.
A. munyi B. baka C. sema D. nitih

23. Lee Chong Wei siku ari pemain badminton ti tebilang._______ diatu agi megai pemain lumur satu dunya.
A. Iya B. Sida C. Dek D. Aku.

24. Kitai _______ bekelimat lebuh bekenaka duit ngambika enda suntuk belanja ba ujung bulan.
A. endang B. patut C. semadi D. anang

25. Ikan nya _________ ulih nubai tang ulih mansai di Sungai Seliu.
A. bedau B. ukai C. nadai D. ti

26. Buah Kemantan ________ belakang sekula kami agi labuh bubuk.
A. nya B. nyin C. di D. ke

27. Bala polis bebaris ___________ pukul tujuh ngagai pukul lapan pagi.
A. ari B. pun C. maya D. lebuh

28. Api ti makai reban umai sida aya Limban nyau ______________.
A. nyadi B. nyadi-nyadi C. nyadi-senyadi D. senyadi-nyadi

29. Apai tuai nya selalu _________ aku lebuh maya betemu.
A. anak B. beranak C. nganakka D. peranak

30. Amat gamal iya mit _________ iya tegar bendar makai.
A. lalu B. tang C. kebuah D. nya alai

31. Iya muai uras ari lubang __________ lambar gelegar.
A. ari B. ngagai C. antara D. sereta

32. Bala nembiak gaga ati _________ tepedaka rampa Bukit Sagan.
A. lebuh B. nya alai C. lalu D. nya

33. Sida bulih amat padi, ____________ sida iya tau enda bumai dalam kandang dua tiga taun ti deka datai.
A. ketegal B. laban C. tang D. nya alai

34. Aking, Untam __________ Jembu udah dipilih ngarika sekula ba pekit ngajat.
A. lalu B. sereta C. enggau D. ngagai

35. Udah tembu makai, dia kami sebuat sama bela _______ nginti di Sungai Limbang.
A. bai B. bai-bai C. bebai D. bai-bebai

36. Undang-undang menua Malaysia netapka semua orang ti deka mai motosikal tauka kerita _______ ngembuan lesen deriba.
A. tau B. ulih C. mesti D. endang

37. Surat tu aku terima ____________________ pangan aku ti diau ba Sri Aman, Sarawak.
A. ari B. ba C. ke D. dalam

38. Aya Unting diau di menua tu _______________ ari dua puluh taun ti udah.
A. ngepun B. nyentukka C. baka D. kenyau

39. Pengajar Lumping Tada deka meri licha ______________ teknik nyaut peresa Bahasa Iban.
A. ulih B. bagi C. pasal D. ungkup

40. Sida deka nemuai ke Brunei ________________
A. tadi B. Pagila C. kemari D. ensana

41. Rimong ditikika pangkat _____________ iya rajin bekereja.
A. lalu B. tang C. laban D. nya alai

42. Semua orang ti agi ngena kad pengelala ti lama dipinta ____________ ngagai kad pengelala ti baru sebedau ujung taun tu.
A. tukar B. nukar C. ditukar D. tetukar

43. Sayau amat tanah Aya Ibai. Semina tiga ______________ di ulu nyin bedau dijual iya.
A. buah B. bidang C. bengkah D. genteran

44. Anak temuai nya deka betemu enggau bala uchu __________________ Bungai Nuing
A. ambu B. uchu C. diambu D. dambu

45. Apai Jungin nguna dua __________________ dawai dikena nanchang tuat lada.
A. engkilung B. tumpuk C. limpir D. raup

46. Indai Endu udah belabuh _________ duit dikena anak iya belajar ke menua tasik jemah ila.
A. ngambi B. bekenaka C. ngelalaika D. nyimpan

47. Ichit wit niang Linggung endang tebilang bajik _________ sigat.
A. lalu B. tang C. nyau D. enggau

48. Bala nembiak mesti bebaris lebuh ngambi __________ di Balai Makai.
A. makai B. pemakai C. sepemakai D. makai-semakai

49. Sida sekaban nemuai ______________ Johor.
A. ke B. di C. ba D. dalam

50. Laura meremi _____________ maya mansa orang tuai.
A. duduk B. belawa C. bejalai D. bediri

51. Jali _____________ Bidun sama bela rindu macha bup cherita.
A. tauka B. enggau C. seduai D. lalu

52. Indu _____________ nya likun amat ngintu pesakit ba wad anak mit.
A. misi B. doctor C. penulis D. pengajar

53. Jawai benung __________ ai kopi ba dapur dikena ngirup pagi nya.
A. ngaga B. nyumai C. nanak D. nasak

54. Penanggul disiplin nembiak sekula patut dipadahka ______________ komiti penyaga disiplin sekula.
A. ari B. ke C. ngusung D. ngagai

55. Pemanah basa enggau jaku Empaling ngasuh iya balat _____________ bala sida serumah.
A. dikemesai B. dikerindu C. ditemegah D. dititih

56. “Besai mih pengarap __________ enti kita serumah ulih ngabang maya melah pinang aku ila,” ku Lanyau madah ngagai Tuai Rumah Enteri.
A. kami B. kita C. kitai D. sida

57. Minggu nyin kemari apai aku bisi ke pasar Sibu lalu sempat meli ____________ tawak.
A. selabuan B. selambar C. sebuah D. serawan

58. Enam __________ ikan keli di dalam mangkuk nya tadi udah diempa mayau.
A. igi B. iti C. kepin D. kerat

59.Kain ini Sendun nyau abis _______________ dibai iya ke rarika ular tedung lebuh nurun mansai ba Sungai Pasai.
A. charik rubik B. charik marik C. chau belau D. charut bebalut

60. Penanggul disiplin endang patut diripot __________ komiti disiplin sekula.
A. enggau B. ngagai C. nuju D. ba

61. Pemaju pelajar anak bepanggai amat _________ sukung apai indai.
A. ari B. ba C. ke D. dalam

62. Jarah meli tiga ________ manuk lanjau.
A. puchuk B. iti C. iku D.lambar

63. Kami telunga-lunga ________ cherita ari radio.
A. ningaka B. meda C. beratika D. nusui

64. Kami bebendar bebelika barang __________ ke rembus ke nengeri.
A. kala B. apin C. udah D. nya alai

65. Bandang sesikuk _____________ laban natka kaki iya ke disengat kala.
A. ketawa B. nyabak C. ringat D. pedis

66. Jawah dipilih ___________ sekula iya dalam pekit main badminton.
A. ngenedika B. ngarika C. ari D. pengari

67. Nembiak nya ____________ pandai dalam kelas sida. Nya iya bulih lumur Satu belama dalam peresa.
A. jelan B. sedang C. pemendar D. pengabis

68. Kayu engkabang nya enda _________ tapang sekayu nyin.
A. ngeninggi B. tinggi C. peninggi D. tinggi-tinggi

69. Pemeri orang nya ngagai sida semenua agi________ amat.Diatu pan sida agi minta tulung orang mayuh.
A. apas B. nyampau C. mayuh D. bendar

70. Kami agi bejalai __________ kami lelak.
A. nya alai B. kelimpah nya C. taja pan D. nya meh

71. Iya __________ batang tepus ngena duku.
A. najar B. malu C. mumpung D. enggau

72. Indu nya bejalai ___________ pejalai Kumang.
A. nyau ka B. baka C. munyi D. sema

73. Chuat ___________ Ah Hong mandi ba sungai.
A.sereta B. enggau C. tauka D. taja pan

74. Igat ngengkahka bekal ke dibai iya ari umai di _______ mija makai.
A. sendi B. dalam C. atas D. luar

75. Ukui ke berekak nya nyau ________, empa pemendar ke belaban enggau pangan diri.
A. berebah rimpai B. begiling kaping C. teterap tetingkap D. kundang kasang

76. Lebuh ai pasang raya, aki Ungkok mudik ke _______
A. atas B. ulu C. ili D. tebing

77. Nembiak indu rebak baru diatu enggai belajar betenun laban pengawa nya __________ amat.
A. jampat B. sikar C. lunggat D. chendik

78. Di menua kitai, ______________ majak kurang sekurang laban mayuh udah di tebang orang.
A. tapang kedang B. babas kerangas C. paku tubu D. jerami repik

79. Sida serumah chukup muji ________ apai tiri Dom enggau anak dulu bini iya.
A. penyikar B. pemadas C. pemandai D. peneleba

80. Penatai bala pemesai disambut _______ ngena chukup adat basa sereta diumbaka enggau kajat tabuh.
A. aku B. kami C. sida D. seduai

81. Empani muar dua ________ manyi
A. igi B. buah C. labit D. tangkai

82. Pengawa Jang enggau Endu ti deka melaki bini udah __________ sida sebilik lemai kemari
A. dikeamatka B. dipesebutka C. dikemegauka D. dikerandauka

83. Chuat ngembuan juluk ati deka nyadi _________ ba opis betanam betupi jemah ila.
A. neutologi B. geologi C. bakterialogi D. patologi

84. Pun rian ti di belakang rumah nya __________ magang.
A. pepanjai B. jejuau C. chechegit D. tetinggi

85. Aya Duat bejual sayur _____Tamu Besai ninting hari Lima.
A. di B. ke C.ari D. nuju

86. Adi Ejah kena anu apai iya ______ti kelalu lama meda televisyen nyentukka jauh malam.
A. seninjik B. nya alai C. kelimpah D. laban

87. Bup ti _______ Jarup di atas mija nya bechura mirah redam.
A. ditepuka B. disurukka C. diengkahka D. dipasukka

88. Janting seduai nuing sama bela enggau orang ______ aum besai JKKK rumah panjai sida malam tu.
A. ngulu B. nitih C. nampunG D. ngambat

89. Enteri ______ Sila benung mulung buah rian di belakang rumah sida.
A. enggau B. sereta C. lalu D. sama

90. _________ penyakit H1N1, kami sebilik enda nyadi nemuai ke menua Australia maya peremisi tu ila.
A. Nya alai B. Nyerumba C. Ketegal D. Kebuah

91. Sida Empiling jera mandi ba sungai diatu laban ti ____ meda baya ayan semak pendai.
A. udah B. apin C. lalu D. nyereta

92. ________ sida David serumah bumai lalu mimit aja ke gawa ba sebelah pasar.
A. Jarang-jarang B. Kadang-kadang C. Ketebal agi D. sekeda

93. Lima pun _____kemayau sida Empi nyau tinggar laban kena biau balai demalam.
A. dan B. batang C. buah D. igi

94. Bala nembiak mit bela duduk _________nganti Aki Jubit nusui ensera Apai Saloi.
A. bekejegit B. bejelangkit C. bekedugau D. betejengkak

95. Kaki endu Cherira _______laban udah kena tebak paku lawang lebuh ngiga kulat sawit lemai kemari.
A. pepelu B. kekilai C. sesipa D. tetengut

96. Pengawa ti mutarka penusah ngintu pemati ini Lemba udah mujur bendar ketegal ari ______ mensia mayuh ke bisi datai.
A. tulung sukung B. tusah payah C. tesau kangau D. lilih lebih

97. Kami serumah baru udah badu ngetau _____ diatu benung ngintu padi.
A. tang B. enggau C. lalu D. ti

98. Bala sida Apai Tera ti pulai ari umai tadi nyau abis __________ digagai indu manyi.
A. tenggelam pansut B. teterap tetingkap C. rebah rimpi D. miau nepau

99. Sida enda bedulika kami ti baru datai taja pan sida nemu ___ udah lelak bejalai.
A. aku B. nuan C. sida D. kami

100. Ai mata sida sebilik nyau _______aja labuh laban sinu ati meda ini sida ke sakit nyau balat-sebalat.
A. beketepak B. bekeredup C. bekerenjui D. bekepelu

101. Jelenggai agi ngaga kereja rumah tang Gandat udah ______ tinduk bekuruh laban iya berasai lelak.
A. derut-derut B. besut-besut C. sirut-sirut D. kebut-kebut

102. Edward Lua udah bekereja ______Opis Betanam Betupi.
A. di B. din C. nya D. dia

103. Bala sida ke bujang dara diasuh tuai rumah berintai ______ penatai Kepala Menteri di ruai.
A. ngambi B. nyambut C. nyaga D. nyua

104. Kitai enda tau bebuti lebuh ngereja pengawa.
A. lebuh B. nyau C. laban D. semadi

105. Bekau tulis enda mudah ____ enti dawat ke dikena kitai manah.
A. pudar B. terang C. tekinsit D. entupang

106. Laban Empangup ti kelalu ngelusu, nya alai _______ kayu pen nadai meh di dapur sida.
A. sesingkap B. serepik C. setekang D. sesirap

107. Angin kamah nyadi ari kereban utai ti mansutka api ________ asap maya nunu.
A. ngagai B. ari C. enggau D. lalu

108. Pejalai orang ke mabuk nya nyau ______ laban iya nyau enda nemu orang agi.
A. berebah-rimpai B. beguai-kasai C. besundang-luntang D. lungau-papau