Dientam bala Kayan,
Ngasuh iya tan duga-duga,
Ditempuh bala Memaluh,
Ngasuh iya kiruh begaga dampa,
Menua iya di menalan beuraska tandan takang isang,
Di tanah entah baruh rengkap atap kajang,
Di tanah langgung tambun tugung papung arang,
Di palan rami pangkang api ke menyadi mau rerendang.
Ulu Lungga: Papan
Entelah 2
Emparu puntul iku,
Ditegu enda nganu kitai,
Naga perintik mata,
Ngelala leman macham utai.
Menua iya di bilik tampung ruai
Begulai enggau apai seduai indai
Dikayam sida tauke ari pagi datai ke lemai
Nadai penyadi, balat tusah ati, enti iya nadai.
Ulu lungga: Kain Unta
